romanATTHA book 3 Page 265.

{397} Idha pana bhikkhave bhikkhussa na hoti apatti datthabbati- adi abhutavatthuvasena adhammakammam bhutavatthuvasena dhammakammanca dassetum vuttam. Tattha patinissajjetati patinissajjitabba. {400} Upalipanhesupi vatthuvaseneva dhammadhammakammam vibhattam. Tattha dve naya ekamulako ca dvimulako ca. Ekamulako uttanoyeva. Dvimulake yatha sativinayo amulhavinayena saddhim eka puccha kata evam amulhavinayadayopi tassa papiyasikadihi. Avasane pana upasampadaraham upasampadetiti ekameva padam hoti. Parato bhikkhunampi sativinayam adim katva ekekena saddhim sesapadani yojitani. {407} Idha pana bhikkhave bhikkhu bhandanakarakotiadi adhammena vaggam adhammena samaggam dhammena vaggam dhammapatirupakena vaggam dhammapatirupakena samagganti imesam vasena cakkam bandhitva tajjaniyadisu sattasu kammesu sapatippassaddhisu vipattidassanattham vuttam. Tattha anapadanoti apadanavirahito. Apadanam vuccati paricchedo. Apattipariccheda- virahitoti attho. Tato param patikkutthakatakammappabhedam dassetum sayeva pali akatam kammantiadihi samsandetva vutta. Tattha na kinci palianusarena na sakka veditum tasma vannanam na vittharayimhati. Campeyyakkhandhakavannana nitthita. --------

The Pali Atthakatha in Roman Character Volume 3 Page 265. http://84000.org/tipitaka/read/attha_page.php?book=3&page=265&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=5456&modeTY=2&pagebreak=1 http://84000.org/tipitaka/atthapali/rm_line.php?B=3&A=5456&modeTY=2&pagebreak=1#p265