romanATTHA book 3 Page 247.

Vametva pana rajitva dharetabbani. Na sakka ce honti vametum paccattharanani va karetabbani dvipattacivarassa va majjhe databbani. Tesam vannananattam upahanasu vuttanayameva. Acchinnadasa dighadasani dussani dasani chinditva dharetabbani. Kancukam labhitva phaletva rajitva paribhunjitum vattati. Vethanepi eseva nayo. Tiritakam pana rukkhachallimayam tam padapunchanam katum vattati. {374} Patirupe gahaketi sace koci bhikkhu aham tassa bhikkhuno ganhamiti ganhati databbanti attho. Evameva tesu tevisatiya puggalesu solasa jana na labhanti satta jana labhantiti. {376} Sangho bhijjatiti bhijjitva kosambikabhikakhu viya dve kotthasa honti. Ekasmim pakkheti ekasmim kotthase dakkhinodakanca gandhadini ca denti ekasmim civarani. Sanghassevetanti sakalassa sanghassa dvinnampi kotthasanam etam hoti gandim paharitva dvihipi pakkhehi ekato bhajetabbam. Pakkhassevetanti evam dinne yassa kotthasassa udakam dinnam tassa udakameva hoti yassa civaram dinnam tasseva civaram. Yattha pana dakkhinodakam pamanam hoti tattha eko pakkho dakkhinodakassa laddhatta civarani labhati eko civaranameva laddhattati ubhohi ekato hutva yathavuddham bhajetabbam. Idam kira parasamudde lakkhananti mahaatthakathayam vuttam. Tasmimyeva pakkheti ettha pana itaro pakkho

The Pali Atthakatha in Roman Character Volume 3 Page 247. http://84000.org/tipitaka/read/attha_page.php?book=3&page=247&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=5087&modeTY=2&pagebreak=1 http://84000.org/tipitaka/atthapali/rm_line.php?B=3&A=5087&modeTY=2&pagebreak=1#p247