romanATTHA book 3 Page 240.

Hoti tena bhaṇḍukkhaliyaṃ pakkhipitvā pāsāṇasusirarukkhasusirādīsu supaṭicchannesu ṭhapetvā gantabbaṃ. {363} Tuyheva bhikkhu tāni cīvarānīti aññatra gahetvā haṭānipi tuyheva na tesaṃ añño koci issaroti. Evañca pana vatvā anāgatepi nikkukkuccā gaṇhissantīti dassetuṃ idha panāti- ādimāha. Tasseva tāni cīvarāni yāva kaṭhinassa ubbhārāyāti sace gaṇapūrake bhikkhū labhitvā kaṭhinaṃ atthataṃ hoti pañca māse no ce atthataṃ hoti ekaṃ cīvaramāsameva. Yaṃ yaṃ saṅghassa demāti vā denti saṅghaṃ uddissa demāti vā denti vassaṃ vutthasaṅghassa demāti vā denti vassāvāsikaṃ demāti vā denti sacepi matakacīvaraṃ avibhajitvā taṃ vihāraṃ pavisanti sabbaṃ tasseva bhikkhuno hoti. Yaṃpi so vassāvāsatthāya vuḍḍhiṃ payojetvā ṭhapitaupanikkhepato vā tatruppādato vā vassāvāsikaṃ gaṇhāti sabbaṃ suggahitameva hoti. Idaṃ hi ettha lakkhaṇaṃ yena tenākārena saṅghassa uppannavatthaṃ atthatakaṭhinassa pañca māse anatthatakaṭhinassa ekaṃ cīvaramāsaṃ pāpuṇāti. Yaṃ pana idaṃ idha vassaṃ vutthasaṅghassa demāti vā vassāvāsikaṃ demāti vā vatvā dinnaṃ taṃ anatthatakaṭhinassāpi pañca māse pāpuṇāti. Tato paraṃ uppannaṃ vassāvāsikaṃ pucchitabbaṃ kiṃ atītavasse idaṃ vassāvāsikaṃ udāhu anāgatavasseti. Kasmā. Piṭṭhisamaye uppannattā. Utukālanti vassānato aññaṃ kālaṃ. Tāni cīvarāni ādāya sāvatthiṃ

The Pali Atthakatha in Roman Character Volume 3 Page 240. http://84000.org/tipitaka/read/attha_page.php?book=3&page=240&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=4938&pagebreak=1 http://84000.org/tipitaka/atthapali/rm_line.php?B=3&A=4938&pagebreak=1#p240