romanATTHA book 3 Page 224.

Divasepi nipajjeyyati evamaha. Teneva parato vuttam apica patikaccevasi maya natoti. Naham acariya sakkomiti tassa kira sarire mahadaho uppajji tassa evamaha. Tihi sattahenati tihi passehi ekekena sattahena. {333} Janam ussaretvati janam niharapetva. {334} Jeguccham me sappiti ayam kira raja vicchikassa jato vicchikavisapatighataya ca sappi bhesajjam hoti vicchikanam patikkulam tasma evamaha. Uddekam dassatiti uggaram dassati. Pannasayojanika hotiti pannasayojanani gantum samattha hoti. Na kevalancassa ranno hatthiniyeva nalagiri nama hatthi yojanasatam gacchati velukanno ca munjakeso cati dve assa visayojanasatam gacchanti kako nama daso satthi yojanani gacchati. Ekassa kira kulaputtassa anuppanne buddhe ekadivasam bhunjitum nisinnassa paccekabuddho dvare thatva agamasi. Tasseko puriso paccekabuddho agantva gatoti arocesi. So sutva gaccha vegena pattam aharati aharapetva attano sajjitabhattam sabbam datva pesesi. Itaro tam niharitva paccekabuddhassa hatthe thapetva aham bhante tumhakam katena imina kayaveyya- vatikena yattha yattha nibbattami vahanasampanno homiti patthanam akasi. So ayam etarahi pajjoto nama raja jato taya patthanaya ayam vahanasampatti. Nakhena bhesajjam olumpetvati nakhena bhesajjam odahitva pakkhipitvati attho. Sappim payetvati

The Pali Atthakatha in Roman Character Volume 3 Page 224. http://84000.org/tipitaka/read/attha_page.php?book=3&page=224&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=4602&modeTY=2&pagebreak=1 http://84000.org/tipitaka/atthapali/rm_line.php?B=3&A=4602&modeTY=2&pagebreak=1#p224