romanATTHA book 3 Page 17.

Aparutati vivata. Amatassa dvarati ariyamaggo. So hi amatasankhatassa nibbanassa dvaram. Pamuncantu saddhanti sabbe attano saddham pamuncantu vissajjantu. Pacchimapadadvaye ayamevattho ahanhi attano pagunam suvattitampi imam panitam uttamam dhammam kayavacakilamathasanni hutva manujesu devamanussesu nabhasim. {10} Panditoti pandiccena samannagato. Byattoti veyyattiyena samannagato. Medhaviti thanuppattiya pannaya samannagato. Apparajakkhajatikoti samapattiya vikkhambhitatta nikkilesajatiko visuddhasatto. Ajanissatiti sallakkhessati pativijjhissati. Bhagavatopi kho nanam udapaditi sabbannutananam uppajji ito satta- divasamatthake kalam katva so akincannayatane nibbattoti. Mahajaniyoti sattadivasabbhantare pattabbamaggaphalato parihinatta mahajani assati mahajaniyo. Akkhane nibbattatta ca. Abhidosakalakatoti hiyo kalakato. Sopi nevasannanasannayatane nibbattoti addasa. Bahupakarati bahuupakara. Padhanapahitattanti padhanatthaya pesitattabhavam. Upatthahimsuti mukhodakadanadina upatthahimsu. {11} Antara ca bodhim antara ca gayanti upako bodhimandassa ca gayaya ca antare bhagavantam addasa. Addhanamaggapatipannanti addhanamaggam patipannam. Sabbabhibhuti sabbam tebhumikadhammam abhibhavitva thito. Sabbaviduti sabbam catubhumikadhammam avedim annasim. Sabbesu dhammesu anupalittoti sabbesu tebhumikadhammesu kilesalepanena alitto.

The Pali Atthakatha in Roman Character Volume 3 Page 17. http://84000.org/tipitaka/read/attha_page.php?book=3&page=17&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=337&modeTY=2&pagebreak=1 http://84000.org/tipitaka/atthapali/rm_line.php?B=3&A=337&modeTY=2&pagebreak=1#p17