romanATTHA book 3 Page 143.

Jambum anto katva ambam kittetva baddha hoti atha paccha tassa viharassa puratthimaya disaya viharam katva simam bandhanta bhikkhu tam ambam anto katva jambum kittetva bandhanti simaya sima sambhinna hoti. Evam chabbaggiya akamsu. Tenaha simaya simam sambhindantiti. Simaya simam ajjhottharantiti attano simaya paresam baddhasimam ajjhottharanti paresam baddhasimam sakalam va tassa padesam va anto katva attano simam bandhanti. Simantarikam thapetva simam sammannitunti ettha sace pathamataram katassa viharassa sima asammata hoti simaya upacaro thapetabbo. Sace sammata hoti pacchimakotiya hatthamattam simantarika thapetabba. Kurundiyam vidatthimattampi mahapaccariyam caturangulamattampi vattatiti vuttam. Ekarukkhopi ca dvinnam simanam nimittam hoti so pana vaddhanto simasankaram karoti tasma na katabbo. Simakatha nitthita. {149} Catuddasiko ca pannarasiko cati ettha catuddasikassa pubbakicce ajjuposatho catuddasoti vattabbam. Adhammena vagganti adisu sace ekasmim vihare catusu bhikkhusu vasantesu ekassa chandaparisuddhim aharitva tayo parisuddhiuposatham karonti tisu va vasantesu ekassa chandaparisuddhim aharitva dve patimokkham uddisanti adhammena vaggam uposathakammam hoti. Sace pana cattaropi sannipatitva parisuddhiuposatham karonti tayo va

The Pali Atthakatha in Roman Character Volume 3 Page 143. http://84000.org/tipitaka/read/attha_page.php?book=3&page=143&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=2967&modeTY=2&pagebreak=1 http://84000.org/tipitaka/atthapali/rm_line.php?B=3&A=2967&modeTY=2&pagebreak=1#p143