บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓ ภาษาบาลี อักษรไทย วินย.อ. (สมนฺต.๓) หน้าที่ ๑๑๕.
อนฺตรายิโกติ อนฺตรายกโร ฯ กิสฺส ผาสุ โหตีติ กิมตฺถาย ผาสุ โหติ ฯ ปมสฺส ฌานสฺส อธิคมายาติ ปมสฺส ฌานสฺส อธิคมตฺถาย ตสฺส ภิกฺขุโน ผาสุ โหติ สุขํ โหติ ฯ เอส นโย สพฺพตฺถ ฯ อิติ ภควา อุทฺเทสโต จ นิทฺเทสโต จ ปมํ ปาฏิโมกฺขุทฺเทสํ ทสฺเสสิ ฯ {๑๓๖} เทวสิกนฺติ ทิวเส ทิวเส ฯ จาตุทฺทเส วา ปณฺณรเส วาติ เอกสฺส อุตุโน ตติเย จ สตฺตเม จ ปกฺเข ทฺวิกฺขตฺตุํ จาตุทฺทเส อวเสเส ฉกฺขตฺตุํ ปณฺณรเส ฯ อยนฺตาว เอโก อตฺโถ ฯ อยมฺปน ปกติจาริตฺตวเสน วุตฺโต ฯ สกึ ปกฺขสฺส จาตุทฺทเส วา ปณฺณรเส วาติ วจนโต ปน ตถารูเป ปจฺจเย สติ ยสฺมึ ตสฺมึ จาตุทฺทเส วา ปณฺณรเส วา อุทฺทิสิตุํ วฏฺฏติ ฯ อาวาสิกานํ ภิกฺขูนํ จาตุทฺทโส โหติ อาคนฺตุกานํ ภิกฺขูนํ ปณฺณรโส ฯ สเจ อาวาสิกา พหุตรา โหนฺติ อาคนฺตุเกหิ อาวาสิกานํ อนุวตฺติตพฺพนฺติ วจนโตปิ เจตํ เวทิตพฺพํ ฯ {๑๓๘} ปมํ นิมิตฺตา กิตฺเตตพฺพาติ วินยธเรน ปุจฺฉิตพฺพํ ปุรตฺถิมาย ทิสาย กึ นิมิตฺตนฺติ ปพฺพโต ภนฺเตติ ปุน วินยธเรน เอโส ปพฺพโต นิมิตฺตนฺติ เอวํ ปมํ นิมิตฺตํ กิตฺเตตพฺพํ ฯ เอตํ ปพฺพตํ นิมิตฺตํ กโรม กริสฺสาม นิมิตฺตํ กโต นิมิตฺตํ โหตุ โหหิติ ภวิสฺสตีติ เอวมฺปน กิตฺเตตุํ น วฏฺฏติ ฯ ปาสาณาทีสุปิ เอเสว นโย ฯ ปุรตฺถิมาย อนุทิสาย ทกฺขิณาย ทิสาย ทกฺขิณาย อนุทิสาย ปจฺฉิมาย ทิสาย ปจฺฉิมาย อนุทิสาย อุตฺตราย ทิสายเนื้อความอรรถกถาฉบับภาษาบาลี อักษรไทย เล่มที่ ๓ หน้าที่ ๑๑๕. http://84000.org/tipitaka/read/attha_page.php?book=3&page=115&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=3&A=2379&pagebreak=1 http://84000.org/tipitaka/atthapali/th_line.php?B=3&A=2379&pagebreak=1#p115
จบการแสดงผล หน้าที่ ๑๑๕.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]