อรรถกถาเล่มที่ ๒๙ หน้าที่ ๖๖.

นิพฺพานสงฺขาตอุปสมารมฺมณตฺตา วา ตเทว, ธมฺมปีติรโสติ ^๑- อริยธมฺมโต ชาตาย ^๒- นิพฺพานสงฺขาเต วา ^๓- ธมฺเม อุปฺปนฺนาย ปีติยา รสตฺตา ตเทว. ตํ ปวิเวกรสํ อุปสมสฺส จ รสํ ปิตฺวา ตเทว ธมฺมปีติรสํ ปิวํ นิทฺทโร โหติ นิปฺปาโป, ปิตฺวาปิ กิเลสปริฬาหาภาเวน นิทฺทโร, ปิวนฺโตปิ ปหีนปาปตฺตา นิปฺปาโป โหติ, ตสฺมา เอตํ รสานมคฺคนฺติ. เกจิ ปน "ฌานนิพฺพานปจฺจเวกฺขณานํ กายจิตฺตอุปธิวิเวกานญฺจ วเสน ปวิเวกรสาทโย ตโย เอว เอเต ธมฺมา"ติ โยเชนฺติ, ปุริมเมว สุนฺทรํ. เอวํ จ ^๔- ภควา จตุตฺถปญฺหํ วิสฺสชฺเชนฺโต อรหตฺตนิกูเฏน เทสนํ นิฏฺาเปสิ, เทสนาปริโยสาเน พฺราหฺมโณ ภควโต สนฺติเก ปพฺพชิตฺวา กติปาเหเนว ปฏิสมฺภิทปฺปตฺโต อรหา อโหสีติ. ปรมตฺถโชติกาย ขุทฺทกฏฺกถาย สุตฺตนิปาตฏฺกถาย หิริสุตฺตวณฺณนา นิฏฺิตา. -------------- ๔. มงฺคลสุตฺตวณฺณนา เอวมฺเม สุตนฺติ มงฺคลสุตฺตํ. กา อุปฺปตฺติ? ชมพุทีเป กิร ตตฺถ ตตฺถ นครทฺวารสณฺาคารสภาทีสุ มหาชนา สนฺนิปติตฺวา หิรญฺสุวณฺณํ ทตฺวาปิ ^๕- นานปฺปการํ สีตาหรณาทิพาหิรกานํ กถํ ^๖- กถาเปนฺติ, เอเกกา กถา จตุมาสจฺจเยน นิฏฺาติ, ตตฺถ เอกทิวสํ มงฺคลกถา สมุฏฺาสิ "กินฺนุ โข มงฺคลํ, กึ ทิฏฺ มงฺคลํ, กึ สุตํ มงฺคลํ, กึ มุตํ มงฺคลํ, โก มงฺคลํ ชานาตีติ. @เชิงอรรถ: ^๑ ฉ.ม. ธมฺมปีติรโสปิ ^๒ ฉ.ม.,อิ. อนเปตาย @^๓ ฉ.ม. วาสทฺโท น ทิสฺสติ, อิ. จ ^๔ ฉ.ม.,อิ. จสทฺโท น ทิสฺสติ @^๕ ฉ.ม.,อิ. ทตฺวา ^๖ สี.... พาหิรกฺขานกถา, ฉ.ม.....พาหิรกกถํ

เนื้อความอรรถกถาฉบับภาษาบาลี อักษรไทย เล่มที่ ๒๙ หน้าที่ ๖๖. http://84000.org/tipitaka/read/attha_page.php?book=29&page=66&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=29&A=1471&pagebreak=1 http://84000.org/tipitaka/atthapali/th_line.php?B=29&A=1471&pagebreak=1#p66