Nagassa apanamissanti itoti nagassa tava bhagava vacanam sutva ito
pasanakacetiyato bahu jana pakkamissantiti adhippayo. Janapadehi sangatati
angadihi janapadehi idha samagata. Viyakarohiti dhammam desehi.
[1110] Athassa asayanulomena dhammam desento bhagava dve gathayo
abhasi. Tattha adanatanhanti rupadinam adayikam gahanatanham, tanhupadananti
vuttam hoti. Yam yanhi lokasmimupadiyantiti etesu khandhadibhedesu 1- yam yam
ganhanti. Teneva maro anveti jantunti teneva upadanappaccayanibbatta-
kammabhisankharavasena 2- patisandhikkhandhamaro tam sattam anugacchati.
[1111] Tasma pajananti tasma etamadinavam aniccadivasena va
sankhare jananto. Adanasatte iti pekkhamano, pajam imam maccudheyye
visattanti adatabbatthena adanesu rupadisu satte sabbaloke imam pajam
maccudheyye laggam pekkhamano, adanasatte va adanabhinivitthe puggale
adanasangahetunca imam pajam maccudheyye laggam tato vitikkamitum asamattham
iti pekkhamano kincanam sabbaloke na upadiyethati. Sesam sabbattha
pakatameva.
Evam bhagava idampi suttam arahattanikuteneva desesi, desanapariyosane
ca pubbasadiso eva dhammabhisamayo ahositi.
Paramatthajotikaya khuddakatthakathaya
suttanipatatthakathaya
bhadravudhasuttavannana nitthita.
---------------
@Footnote: 1 cha.Ma.,i. uddhadibhedesu 2 cha.Ma.,i.....kammabhisankharanibbattavasena
The Pali Atthakatha in Roman Character Volume 29 Page 449.
http://84000.org/tipitaka/read/attha_page.php?book=29&page=449&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=29&A=10096&modeTY=2&pagebreak=1
http://84000.org/tipitaka/atthapali/rm_line.php?B=29&A=10096&modeTY=2&pagebreak=1#p449
