Nimmitassa paripunnapatipadam vatva arahattanikutena desanam nitthapesi,
desanapariyosane purabhedasutte vuttasadisoyevabhisamayo ahositi.
Paramatthajotikaya khuddakatthakathaya
suttanipatatthakathaya
tuvatakasuttavannana nitthita.
---------------
15. Attadandasuttavannana
[942] Attadanda bhayam jatanti attadandasuttam. Ka uppatti?
yo so sammaparibbajaniyasuttassa uppattiyam vuccamanaya sakiyakoliyanam udakam
paticca kalaho samvannito, 1- tam natva bhagava "nataka kalaham karonti, handa
ne varessami"ti dvinnam senanam majjhe thatva imam suttamabhasi.
Tattha pathamagathayattho:- yam lokassa ditthadhammikam va samparayikam va
bhayam jatam, tam sabbam attadanda bhayam jatam attano duccaritakarana jatam,
evam santepi janam passatha medhagam, 2- imam sakiyadijanam passatha annamannam
medhagam himsakam badhakanti. Evantam pativiruddham vippatipannam janam paribhasitva
attano sammapatipattidassanena tassa samvegam janetum aha "samvegam kittayissami,
yatha samvijitam maya"ti, pubbe bodhisatteneva satati adhippayo.
[943] Idani yathanena samvijitam, pakaram dassento "phandamanan"ti-
adimaha. Tattha phandamananti tanhadihi 3- kampamanam. Appodaketi appaudake.
Annamannehi byaruddhe disvati nanasatte ca 4- annamannehi saddhim
viruddhe disva. Mam bhayamavisiti mam bhayam pavittham.
@Footnote: 1 cha.Ma.,i. vannito 2 Si.,i. medhakam
@3 ka. tanhaditthihi 4 ka. nanamacceva
The Pali Atthakatha in Roman Character Volume 29 Page 410.
http://84000.org/tipitaka/read/attha_page.php?book=29&page=410&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=29&A=9217&modeTY=2&pagebreak=1
http://84000.org/tipitaka/atthapali/rm_line.php?B=29&A=9217&modeTY=2&pagebreak=1#p410
