อรรถกถาเล่มที่ ๒๙ หน้าที่ ๒๙๐.

อนิสฺสิโต. ปปฺปุยฺยาติ ปาปุณิตฺวา. เสสํ อิธ อิโต ปุพฺเพ วุตฺตตฺตา อุตฺตานตฺถเมว, ตสฺมา น วณฺณิตนฺติ. ปรมตฺถโชติกาย ขุทฺทกฏฺฐกถาย สุตฺตนิปาตฏฺฐกถาย สลฺลสุตฺตวณฺณนา นิฏฺฐิตา. ----------- ๙. วาเสฏฺฐสุตฺตวณฺณนา เอวมฺเม สุตนฺติ วาเสฏฺฐสุตฺตํ. กา อุปฺปตฺติ? อยเมวสฺส, ^๑- นิทาเน วุตฺตา. อตฺถวณฺณนํ ปนสฺส วุตฺตนยานิ อุตฺตานตฺถานิ จ ปทานิ ปริหรนฺตา กริสฺสาม. อิจฺฉานงฺคลนฺติ คามสฺส ^๒- นามํ. พฺราหฺมณมหาสาลานํ จงฺกี ตารุกฺโข โตเทยฺโยติ โวหารนามเมตํ, โปกฺขรสาติ ชาณุสฺโสณีติ เนมิตฺติกํ. ^๓- เตสุ กิร เอโก หิมวนฺตปสฺเส โปกฺขรณิยา ปทุเม นิพฺพตฺโต, อญฺญตโร ตาปโส ตํ ปทุมํ คเหตฺวา ตตฺถ สยิตํ ทารกํ ทิสฺวา สํวฑฺเฒตฺวา รญฺโญ ทสฺเสสิ, โปกฺขเร สยิตตฺตา "โปกฺขรสาตี"ติ จสฺส นามํ อกาสิ. เอกสฺส ฐานนฺตรํ เนมิตฺติกํ. เตน กิร ชาณุสฺโสณินามกํ ปุโรหิตฏฺฐานํ ลทฺธํ, โส เตเนว ปญฺญายิ. เต สพฺเพปิ อญฺเญ จ อภิญฺญาตา อภิญฺญาตา พฺราหฺมณมหาสาลา กสฺมา อิจฺฉานงฺคเล ปฏิวสนฺตีติ เจ ^๔-? เวทชฺฌายนปริวีมํสนตฺถํ. เตน กิร สมเยน โกสลชนปเท เวทกา พฺราหฺมณา เวทานํ สชฺฌายกรณตฺถญฺจ อตฺถูปปริกฺขณตฺถญฺจ ตสฺมึเยว คาเม สนฺนิปตนฺติ. เตน เตปิ ^๕- อนฺตรนฺตรา อตฺตโน โภคคามโต อาคมฺม ตตฺถ ปฏิวสนฺติ. @เชิงอรรถ: ^๑ ฉ.ม.,อิ. อยเมว, ยาสฺส ^๒ ม. อิจฺฉานงฺคลนฺติ นิคมสฺส, ฉ. อิจฺฉานงฺคโลติ @คามสฺส ^๓ ก. เนมิตฺตกํ ^๔ ฉ.ม. อยํ สทฺโท น ทิสฺสติ ^๕ ก. เกจิ

เนื้อความอรรถกถาฉบับภาษาบาลี อักษรไทย เล่มที่ ๒๙ หน้าที่ ๒๙๐. http://84000.org/tipitaka/read/attha_page.php?book=29&page=290&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=29&A=6535&modeTY=2&pagebreak=1 http://84000.org/tipitaka/atthapali/th_line.php?B=29&A=6535&modeTY=2&pagebreak=1#p290