Diva ceva rattinca, sabbakalanti vuttam hoti. Yatha mohena avutati yena
pakarena avijjanivaranasankhatena mohena avuta 1- paticchadita suvinneyyampi
ajanantiyo paja samsare samsaranti, tatharupo anno ekadhammopi ekanivaranampi
natthiti yojetabbam. Ye ca moham pahantvana, tamokkhandham padalayunti ye pana
ariyasavaka pubbabhage tadangadippahanavasena, hetthimamaggehi va tamtammaggavajjham
moham pajahitvana aggamaggena vajirupamananena mohasankhatameva 2- tamorasim
padalayimsu, anavasesato samucchindimsu. Na te puna samsarantiti te arahanto:-
"khandhananca patipati dhatuayatanana ca
abbocchinnam vattamana samsaroti pavuccati"ti
evam vutte imasmim samsare na samsaranti na paribbhamanti. Kimkarana? hetu tesam
na vijjati, yasma samsarassa hetu mulakaranam avijja, sa tesam na vijjati,
sabbaso natthi samucchinnattati.
Catutthasuttavannana nitthita.
---------------
5. Tanhasamyojanasuttavannana
[15] Pancame yassa vijjati, tam puggalam dukkhehi, kammam va vipakehi 3-
bhavayonigativinnanatthitisattavase va bhavantaradihi samyojetiti samyojanam.
Tanhayanatthena tanha. Tasati sayam paritasati, tasanti va etayati tanha.
Samyuttati cakkhvadisu abhinivesavatthusu baddha. Sesam vuttanayameva. Kamancettha
avijjayapi samyojanabhavo tanhaya ca nivaranabhavo atthiyeva, tathapi avijjaya
paticchaditadinavehi bhavehi tanha satte samyojetiti imassa visesassa dassanattham
@Footnote: 1 ka. avarita 2 Si. tamokhandhasankhatameva 3 ka. kammavipakehi
The Pali Atthakatha in Roman Character Volume 27 Page 66.
http://84000.org/tipitaka/read/attha_page.php?book=27&page=66&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=27&A=1429&modeTY=2&pagebreak=1
http://84000.org/tipitaka/atthapali/rm_line.php?B=27&A=1429&modeTY=2&pagebreak=1#p66
