Vipassanapannasahitaya maggapannaya dukkhasaccam na jananti na pativijjhanti. Sesesupi
eseva nayo. Na me te bhikkhavetiadisu ayam sankhepattho:- bhikkhave
catusaccakammatthanam ananuyutta pabbajjamattasamana ceva jatimattabrahmana ca na maya
te samitapapasamanesu samanoti, bahitapapabrahmanesu brahmanoti ca sammata
anunnata. Kasma? samanakarananam brahmanakaranananca dhammanam abhavatoti.
Tenevaha "na ca pana te ayasmanto"tiadi. Tattha samannatthanti
samannasankhatam attham, cattari samannaphalaniti attho. Brahmannatthanti tasseva
vevacanam. Apare pana "samannatthanti cattaro ariyamagga, brahmannatthanti
cattari ariyaphalani"ti vadanti. Sesam vuttanayameva. Sukkhapakkho vuttavipariyayena
veditabbo. Gathasu apubbam natthi.
Catutthasuttavannana nitthita.
--------------
5. Silasampannasuttavannana
[104] Pancame silasampannati ettha silam nama khinasavanam
lokiyalokuttarasilam, tena sampanna samannagatati silasampanna. Samadhipannasupi
eseva nayo. Vimutti pana phalavimuttiyeva, vimuttinanadassanam paccavekkhanananam.
Evamettha siladayo tayo lokiyalokuttara, vimutti lokuttarava, vimuttinanadassanam
lokiyameva. Ditthadhammikasamparayikaparamatthehi yatharaham pare ovadanti anusasantiti
ovadaka. Vinnapakati kammani kammaphalani ca vinnapaka, tattha ca "ime
dhamma kusala, ime dhamma akusala, ime savajja, ime anavajja"tiadina
kusaladivibhagato khandhadivibhavato salakkhanato samannalakkhanatoti vividhehi
The Pali Atthakatha in Roman Character Volume 27 Page 373.
http://84000.org/tipitaka/read/attha_page.php?book=27&page=373&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=27&A=8265&modeTY=2&pagebreak=1
http://84000.org/tipitaka/atthapali/rm_line.php?B=27&A=8265&modeTY=2&pagebreak=1#p373
