อรรถกถาเล่มที่ ๒๗ ภาษาบาลี อักษรไทย
อิติ.อ. (ปรมตฺถที.)
หน้าที่ ๓๓๘.

นิพฺเพธคามินีติ วุจฺจติ อเสสํ ปรินิพฺพนฺตีติ อรหตฺตมคฺเคน อเสสํ ราคคฺคิอาทึ
นิพฺพาเปตฺวา สอุปาทิเสสาย นิพฺพานธาตุยา ิตา ปญฺาเวปุลฺลปฺปตฺติยา นิปกา
ปุพฺเพว สมฺมปฺปธาเนน สพฺพโส โกสชฺชสฺส สุปหีนตฺตา ผลสมาปตฺติสมาปชฺชเนน
อกิลาสุภาเวน จ รตฺตินฺทิวมตนฺทิตา จริมกจิตฺตนิโรเธน
อนุปาทิเสสาย นิพฺพานธาตุยา อเสสํ ปรินิพฺพนฺติ, ตโต จ อเสสํ นิสฺเสสํ
วฏฺฏทุกฺขํ อจฺจคุํ อติกฺกมึสุ.
      เอวํ เย ราคคฺคิอาทิเก นิพฺพาเปนฺติ, เตสํ อนุปาทิเสสนิพฺพาเนน
นิพฺพุตึ ทสฺเสตฺวา อิทานิ ปฏิวิทฺธคุเณหิ โถเมนฺโต โอสานคาถมาห. ตตฺถ
อริยทฺทสาติ อริเยหิ พุทฺธาทีหิ ปสฺสิตพฺพํ, กิเลเสหิ วา อารกตฺตา อริยํ
นิพฺพานํ, อริยํ จตุสจฺจเมว วา ทิฏฺวนฺโตติ อริยทฺทสา. เวทสฺส มคฺคาณสฺส,
เตน วา เวเทน สํสารสฺส ปริโยสานํ คตาติ เวทคุโน. สมฺมทญฺายาติ
สมฺมเทว สพฺพํ อาชานิตพฺพํ กุสลาทึ ขนฺธาทิญฺจ ชานิตฺวา. เสสํ วุตฺตนยเมว.
                       จตุตฺถสุตฺตวณฺณนา นิฏฺิตา.
                         --------------
                        ๕. อุปปริกฺขสุตฺตวณฺณนา
      [๙๔] ปญฺจเม ตถา ตถาติ เตน เตน ปกาเรน. อุปปริกฺเขยฺยาติ
วีมํเสยฺย ปริตุเลยฺย สมฺมเสยฺย วา. ยถา ยถาสฺส อุปปริกฺขโตติ ยถา ยถา
อสฺส ภิกฺขุโน อุปปริกฺขนฺตสฺส. พหิทฺธา จสฺส วิญฺาณํ อวิกฺขิตฺตํ อวิสฏนฺติ
พหิทฺธา รูปาทิอารมฺมเณ อุปฺปชฺชนกวิกฺเขปาภาวโต อวิกฺขิตฺตํ สมาหิตํ. ตโต
เอว อวิสฏํ สิยา. อิทํ วุตฺตํ โหติ:- ภิกฺขเว เยน เยน ปกาเรน อิมสฺส
อารทฺธวิปสฺสกสฺส ภิกฺขุโน อุปปริกฺขโต สงฺขาเร สมฺมสนฺตสฺส ปุพฺเพ
สมาหิตาการสลฺลกฺขณวเสน สมถนิมิตฺตํ ๑- คเหตฺวา สกฺกจฺจํ นิรนฺตรํ สมฺมสนาณํ
@เชิงอรรถ: ๑ ม. ปวตฺตจิตฺตํ


เนื้อความอรรถกถาฉบับภาษาบาลี อักษรไทย เล่มที่ ๒๗ หน้าที่ ๓๓๘.
http://84000.org/tipitaka/read/attha_page.php?book=27&page=338&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=27&A=7478&pagebreak=1
http://84000.org/tipitaka/atthapali/th_line.php?B=27&A=7478&pagebreak=1#p338