บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 27 : PALI ROMAN Iti.A. (paramatthadi.) Page 336.
Arahattaphalasamadhina vupasammati, sabbakalam upasantasabhavova hoti. Anejoti so evam anejadisabhavo araha anejadisabhavassa sammasambuddhassa okasato durepi samano dhammasabhavato adure santike evati. Tatiyasuttavannana nitthita. ------------- 4. Aggisuttavannana [93] Catutthe anudanahatthena aggi, rago eva aggi ragaggi. Rago hi uppajjamano satte anudahati jhapeti, tasma "aggi"ti vuccati. Itaresupi dvisu eseva nayo. Tattha yatha aggi yadeva indhanam nissaya uppajjati, tam nidahati, mahaparilaho ca hoti, evamimepi ragadayo yasmim santane sayam uppanna, tam nidahanti, mahaparilaha ca honti dunnibbapaya. Tesu ragaparilahena santattahadayanam icchitalabhadukkhena maranappattanam sattanam pamanam natthi. Ayam tava ragassa anudahanata. Dosassa pana anudahanataya visesato manopadosika deva, mohassa anudahanataya khiddapadosika deva ca nidassanam. Mohavasena hi tesam satisammoso hoti, tasma khiddavasena aharavelam ativattenta kalam karonti. Ayam tava ragadinam ditthadhammiko anudahanabhavo. Samparayiko pana nirayadisu nibbattapanavasena ghorataro duradhivaso ca ayanca attho adittapariyayena vibhavetabbo. Gathasu kamesu mucchiteti vatthukamesu patabyatavasena muccham balyam pamadam micchacaram apanne. Byapanneti byapannacitte dahatiti sambandho. Nare panatipatinoti idam dosaggissa. Ariyadhamme akovideti ye khandhayatanadisu sabbena sabbam uggahaparipucchaya manasikararahita ariyadhammassa akusala, teThe Pali Atthakatha in Roman Character Volume 27 Page 336. http://84000.org/tipitaka/read/attha_page.php?book=27&page=336&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=27&A=7434&modeTY=2&pagebreak=1 http://84000.org/tipitaka/atthapali/rm_line.php?B=27&A=7434&modeTY=2&pagebreak=1#p336
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]