อรรถกถาเล่มที่ ๒๗ หน้าที่ ๒๗๓.

"สุภิกฺขวสฺสี"ติปิ ปนฺติ. ยถา โลโก สุภิกฺโข โหติ, เอวํ สพฺพตฺถาภิวสฺสิต- มหาเมโฆ สุภิกฺขวสฺสี นาม โหติ. เอวมยมฺปิ มหาทาเนหิ สพฺพตฺถาภิวสฺสี สุภิกฺขวสฺสีติ. อาโมทมาโน ปกิเรตีติ ตุฏฺหฏฺมานโส สหตฺเถน ทานํ เทนฺโต ปฏิคฺคาหกเขตฺเต เทยฺยธมฺมํ ปกิเรนฺโต วิย โหติ, วาจายปิ "เทถ เทถา"ติ ภาสติ. อิทานิ นํ สุภิกฺขวสฺสิตภาวํ ทสฺเสตุํ "ยถาปิ เมโฆ"ติอาทิ วุตฺตํ. ตตฺรายํ สงฺเขปตฺโถ:- ยถา มหาเมโฆ ปมํ มนฺทนิคฺโฆเสน ถนยิตฺวา ปุน สกลนทีกนฺทรานิ เอกนินฺนาทํ กโรนฺโต คชฺชยิตฺวา ปวสฺสติ, สพฺพตฺถกเมว วารินา อุทเกน ถลํ นินฺนญฺจ อภิสนฺทนฺโต ปูเรติ เอโกฆํ กโรติ, เอวเมว อิธ อิมสฺมึ สตฺตโลเก เอกจฺโจ อุฬารปุคฺคโล สพฺพสมตาย โส มหาเมโฆ วิย วสฺสิตพฺพตฺตา ตาทิโส ยถา ธนํ อุฏฺานาธิคตํ อตฺตโน อุฏฺานวีริยาภินิพฺพตฺตํ โหติ, เอวํ อนลโส หุตฺวา ตญฺจ ธมฺเมน าเยน สํหริตฺวา ตนฺนิพฺพตฺเตน อนฺเนน ปาเนน อญฺเน จ เทยฺยธมฺเมน ปตฺเต สมฺปตฺเต วณิพฺพเก สมฺมา สมฺมเทว เทสกาลานุรูปญฺเจว อิจฺฉานุรูปญฺจ ตปฺเปติ สมฺปวาเรตีติ. ฉฏฺสุตฺตวณฺณนา นิฏฺิตา. ------------- ๗. สุขปตฺถนาสุตฺตวณฺณนา [๗๖] สตฺตเม สุขานีติ สุขนิมิตฺตานิ. ปตฺถยมาโนติ อิจฺฉมาโน อากงฺขมาโน. สีลนฺติ คหฏฺสีลํ ปพฺพชิตสีลญฺจ. คหฏฺโ เจ, คหฏฺสีลํ, ปพฺพชิโต เจ, จตุปาริสุทฺธิสีลนฺติ อธิปฺปาโย. รกฺเขยฺยาติ สมาทิยิตฺวา

เนื้อความอรรถกถาฉบับภาษาบาลี อักษรไทย เล่มที่ ๒๗ หน้าที่ ๒๗๓. http://84000.org/tipitaka/read/attha_page.php?book=27&page=273&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=27&A=6007&pagebreak=1 http://84000.org/tipitaka/atthapali/th_line.php?B=27&A=6007&pagebreak=1#p273