Tam kho panatiadi yathavuttassa atthassa attapaccakkhabhavam dalhataram
katva dassetum araddham, tampi suvinneyyameva.
Gathasu micchamanam panidhayati abhijjhadinam vasena cittam ayoniso
thapetva. Micchavacanca bhasiyati 1- miccha musavadadivasena vacam
bhasitva. Miccha kammani katvanati panatipatadivasena kayakammani katva.
Atha va micchamanam panidhayati micchaditthivasena cittam viparitam thapetva.
Sesapadadvayepi eseva nayo. Idanissa tathaduccaritacarane karanam dasseti.
Appassutoti attano paresanca hitavahena virahitoti attho. Apunnakaroti
tato eva ariyadhammassa akovidataya kibbisakari papadhammo. Appasmim idha
jiviteti idha manussaloke jivite atiparitte, tatha caha "yo ciram jivati, so
vassasatam appam va bhiyyo"ti 2- appamayu manussananti 3- ca. Tasma bahussuto
sappanno sigham punnani katva saggupago nibbanapatittho va hoti.
Yo pana appassuto apunnakaro, kayassa bheda duppanno nirayam so
upapajjatiti.
Pathamasuttavannana nitathita.
-------------
2. Sammaditthikasuttavannana
[71] Dutiye pathamasutte vuttavipariyayena attho veditabbo.
Dutiyasuttavannana nitthita.
-------------
@Footnote: 1 Si.,Ma.,ka. micchavacam abhasiyati
@2 di.maha. 10/97/47, sam.sa. 15/145/130 3 sam.sa. 15/145/130
The Pali Atthakatha in Roman Character Volume 27 Page 250.
http://84000.org/tipitaka/read/attha_page.php?book=27&page=250&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=27&A=5494&modeTY=2&pagebreak=1
http://84000.org/tipitaka/atthapali/rm_line.php?B=27&A=5494&modeTY=2&pagebreak=1#p250
