ATTHAKATHA Book 27 : PALI ROMAN
Iti.A. (paramatthadi.)
Page 225.

                       6. Dutiyaesanasuttavannana
      [55] Chatthe brahmacariyesana sahati brahmacariyesanaya saddhim.
Vibhattilopena hi ayam niddeso, karanatthe va etam paccattavacanam. Idam vuttam
hoti "brahmacariyesanaya saddhim kamesana bhavesanati tisso esana"ti. Tasu
brahmacariyesanam sarupato dassetum "itisaccaparamaso, ditthitthana samussaya"ti
vuttam. Tassattho:- iti evam saccanti paramaso itisaccaparamaso. Idameva
saccam, moghamannanti ditthiya pavattiakaram dasseti. Ditthiyo eva
sabbanatthahetubhavato ditthitthana. Vuttanhetam "micchaditthiparamaham bhikkhave
vajjanam vadami"ti. 1- Ta eva ca uparupari vaddhamana lobhadikilesasamussayena ca
samussaya, "idameva saccam, moghamannan"ti micchabhinivisamana sabbanatthahetubhuta
kilesadukkhupacayahetubhuta ca ditthiyo brahmacariyesanati vuttam hoti. Etena
pavattiakarato nipphattito ca brahmacariyesana dassitati veditabba.
      Sabbaragavirattassati sabbehi kamaragabhavaragehi virattassa. Tato eva
tanhakkhayasankhate nibbane vimuttatta tanhakkhayavimuttino arahato. Esana
patinissatthati kamesana bhavesana ca sabbaso nissattha pahina. Ditthitthana
samuhatati brahmacariyesanasankhata ditthitthana ca pathamamaggeneva samugghatita.
Esananam khayati etasam 2- tissannam esananam khaya anuppadanirodha
bhinnakilesatta bhikkhuti ca sabbaso asabhava nirasoti ca ditthekatthassa
vicikicchakathamkathasallassa pahinatta akathamkathiti ca vuccatiti.
                       Chatthasuttavannana nitthita.
                          -------------
@Footnote: 1 an.ekaka. 20/310/35               2 cha.Ma. evametasam


The Pali Atthakatha in Roman Character Volume 27 Page 225.
http://84000.org/tipitaka/read/attha_page.php?book=27&page=225&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=27&A=4961&modeTY=2&pagebreak=1
http://84000.org/tipitaka/atthapali/rm_line.php?B=27&A=4961&modeTY=2&pagebreak=1#p225