บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 26 : PALI ROMAN U.A. (paramatthadi.) Page 57.
Dhammacakkappavattanato hi pubbabhage bhagavata bhasitam paresam 1- sunantanampi tapussabhallikanam 2- saranadanam viya vasanabhagiyameva jatam, na sekkhabhagiyam, na nibbedhabhagiyam. Esa hi dhammatati. Tattha yo brahmanoti yo bahitapapadhammataya brahmano, na ditthamangalikataya huhunkarakasavadipapadhammayutto hutva kevalam jatimattakena brahmannam patijanati. So brahmano bahitapapadhammatta huhunkarappahanena nihuhunko, ragadikasavabhavena nikkasavo, bhavananuyogayuttacittataya yatatto, silasamyamena va samyatacittataya yatatto, catumaggananasankhatehi vedehi antam sankharapariyosanam nibbanam, vedanam va antam gatatta vedantagu. Maggabrahmacariyassa vusitatta vusitabrahmacariyo, dhammena so brahmavadam vadeyya "brahmano ahan"ti etam vadam dhammena nayena vadeyya, yassa sakalalokasannivasepi kuhinci ekarammanepi ragussado dosussado mohussado manussado ditthussadoti ime ussada natthi, anavasesam pahinati attho. Catutthasuttavannana nitthita. ------------- 5. Brahmanasuttavannana [5] Pancame savatthiyanti evamnamake nagare. Tam hi savatthassa nama isino nivasanatthane mapitatta savatthiti vuccati yatha kakandi makanditi. Evantava akkharacintaka. Atthakathacariya pana bhananti:- yankinci manussanam upabhogaparibhogam sabbamettha atthiti savatthi. Satthasamayoge 3- ca kimettha bhandamatthiti pucchite sabbamatthitipi vacanam upadaya savatthiti. @Footnote: 1 Si.,Ma. padesam 2 Si. tapassubhallikanam 3 ka. yattha samayoge, pa.su. 1/14/66The Pali Atthakatha in Roman Character Volume 26 Page 57. http://84000.org/tipitaka/read/attha_page.php?book=26&page=57&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=26&A=1270&modeTY=2&pagebreak=1 http://84000.org/tipitaka/atthapali/rm_line.php?B=26&A=1270&modeTY=2&pagebreak=1#p57
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]