บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 26 : PALI ROMAN U.A. (paramatthadi.) Page 390.
Mahanadiyo catutthamaggananuppadena anavasesato visukkha visosita tanhasarita nadi na sandati, ito patthaya nappavattati. Tanha hi "sarita"ti vuccati. Yathaha:- "saritani sinehitani ca somanassani bhavanti jantuno"ti, 1- "sarita lata visattika"ti 2- ca. Chinnam vattam na vattatiti evam kilesavattasamucchedena chinnam vattam anuppadadhammatam avipakadhammatanca apadanena upacchinnam kammavattam na vattati nappavattati. Esevanto dukkhassati yadetam sabbaso kilesavattabhavena 3- kammavattassa appavattanam, so ayatim vipakavattassa ekamseneva anuppado eva sakalassapi samsaradukkhassa anto paricchedo parivatumabhavoti. Dutiyasuttavannana nitthita. ---------- 3. Pathamasattasuttavannana [63] Tatiye kamesuti vatthukamesu. Ativelanti velam atikkamitva. Sattati ayonisomanasikarabahulataya vijjamanampi adinavam anoloketva assadameva saritva sajjanavasena satta, asatta laggati attho. Rattati vattham viya rangajatena cittassa viparinamakaranena chandaragena ratta saratta. Giddhati abhikankhanasabhavena abhijjhanena giddha gedham apanna. Gadhitati ragamucchita viya dummocaniyabhavena tattha patibaddha. Mucchitati kilesavasena visannibhuta viya anannakicca muccham moham apanna. Ajjhopannati anannasadharane viya katva gilitva parinitthapetva thita. Sammattakajatati kamesu patabyatam apajjanta appasukhavedanaya sammattaka sutthu mattaka jata. @Footnote: 1 khu.dha. 25/341/75 2 khu. maha. 29/14/9 (sya), abhi.san. 34/1236/283 @3 cha.Ma. kilesavattabhavatoThe Pali Atthakatha in Roman Character Volume 26 Page 390. http://84000.org/tipitaka/read/attha_page.php?book=26&page=390&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=26&A=8724&modeTY=2&pagebreak=1 http://84000.org/tipitaka/atthapali/rm_line.php?B=26&A=8724&modeTY=2&pagebreak=1#p390
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]