อรรถกถาเล่มที่ ๒๖ หน้าที่ ๓๒๘.

อติวิชฺฌิตฺวา กิเลสวสฺสํ ^๑- น วสฺสติ น เตเมติ. เอวํ โส กิเลเสหิ อนวสฺสุโต ปริสุทฺธสีโล สมาหิโต หุตฺวา วิปสฺสนํ ปฏฺเปตฺวา สมฺมสนฺโต อนุกฺกเมน นิพฺพานํ ปาปุณาตีติ อธิปฺปาโย. ปญฺจมสุตฺตวณฺณนา นิฏฺิตา. -------------- ๖. โสณสุตฺตวณฺณนา [๔๖] ฉฏฺเ อวนฺตีสูติ อวนฺติรฏฺเ. กุรรฆเรติ เอวํนามเก นคเร. ปวตฺเต ปพฺพเตติ ปวตฺตนามเก ปพฺพเต. "ปปาเต ปพฺพเตติปิ "ปนฺติ. โสโณ อุปาสโก กุฏิกณฺโณติ นาเมน โสโณ นาม, ตีหิ สรณคมเนหิ อุปาสกตฺตปฏิเวทเนน ^๒- อุปาสโก, โกฏิอคฺฆนกสฺส กณฺณปิฬนฺธนสฺส ธารเณน "โกฏิกณฺโณ"ติ จ วตฺตพฺเพ "กุฏิกณฺโณ"ติ เอวํ อภิญฺาโต, น สุขุมารโสโณติ ^๓- อธิปฺปาโย. อยํ หิ อายสฺมโต มหากจฺจายนสฺส สนฺติเก ธมฺมํ สุตฺวา สาสเน อภิปฺปสนฺโน, สรเณสุ จ สีเลสุ จ ปติฏฺิโต ปวตฺเต ปพฺพเต ฉายูทกสมฺปนฺเน าเน วิหารํ กาเรตฺวา เถรํ ตตฺถ วาสาเปตฺวา จตูหิ ปจฺจเยหิ อุปฏฺาติ. เตน วุตฺตํ "อายสฺมโต มหากจฺจายนสฺส อุปฏฺาโก โหตี"ติ โส กาเลน กาลํ เถรสฺส อุปฏฺานํ คจฺฉติ. เถโร จสฺส ธมฺมํ เทเสติ. เตน สํเวคพหุโล ธมฺมจริยาย อุสฺสาหชาโต วิหรติ. โส เอกทา สตฺเถน สทฺธึ วาณิชฺชตฺถาย อุชฺเชนึ คจฺฉนฺโต อนฺตรามคฺเค อฏวิยํ สตฺเถ นิวิฏฺเ รตฺติยํ ชนสมฺพาธภเยน เอกมนฺตํ อปกฺกมฺม นิทฺทํ อุปคญฺฉิ. สตฺโถ ปจฺจูสเวลายํ อุฏฺาย คโต. น เอโกปิ โสณํ ปโพเธสิ. สพฺเพปิ วิสริตฺวา อคมํสุ. โส @เชิงอรรถ: ^๑ สี.,ม. กิเลสวสฺสเนน ^๒ ฉ.ม. อุปาสกภาวปฺปฏิ.... ^๓ สี. อภิญฺาโต สุกุมาโร @โสโณติ

เนื้อความอรรถกถาฉบับภาษาบาลี อักษรไทย เล่มที่ ๒๖ หน้าที่ ๓๒๘. http://84000.org/tipitaka/read/attha_page.php?book=26&page=328&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=26&A=7342&pagebreak=1 http://84000.org/tipitaka/atthapali/th_line.php?B=26&A=7342&pagebreak=1#p328