romanATTHA book 2 Page 567.

{1226} Terasame. Parikkhepam atikkamantiyati ekena padena atikkante dukkatam dutiyena pacittiyam. Upacarepi eseva nayo. {1227} Acchinnacivarikayatiadisu sankaccikacivarameva civaranti veditabbam. Apadasuti mahaggham hoti sankaccikam ^1- parupitva gacchantiyava upaddavo uppajjati evarupasu apadasu anapatti. Sesam uttanameva. Elakalomasamutthanam kiriya nosannavimokkham acittakam pannattivajjam kayakammam ticittam tivedananti. Terasamam. Chattavaggo navamo. Uddittha kho ayyayo chassatthisata pacittiya dhammati ettha sabbaneva bhikkhuninam khuddakesu channavuti bhikkhunam dvenavutiti atthasitisatasikkhapadani tato sakalam bhikkhunivaggam paramparabhojanam anatirittabhojanam anatirittena abhihatthumpavaranam panitabhojanavinnatti acelakasikkhapadam dutthullapaticchadanam unavisativassupasampadanam matugamena saddhim samvidhaya addhanagamanam rajantepurappavesanam santam bhikkhum anapuccha vikale gamappavesanam nisidanam vassikasatikanti imani dvavisati sikkhapadani apanetva sesani satanca chassatthi ca sikkhapadani patimokkhuddesamaggena udditthani hontiti veditabbani. Tenaha uddittha kho ayyayo chassatthisata pacittiya dhammati .pe. Evametam dharayamiti. Tatrayam sankhepato samutthanavinicchayo. Giraggasamajjam cittagaram @Footnote: ^1. paliyam sankacchikanti dissati

The Pali Atthakatha in Roman Character Volume 2 Page 567. http://84000.org/tipitaka/read/attha_page.php?book=2&page=567&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11930&modeTY=2&pagebreak=1 http://84000.org/tipitaka/atthapali/rm_line.php?B=2&A=11930&modeTY=2&pagebreak=1#p567