บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 566.
Mocetvā ummajjane payogagaṇanāya āpattiyo. Sambāhanepi eseva nayo. Gilānāyāti antamaso maggagamanaparissamenāpi sābādhāya. Āpadāsūti corabhayādīhi sarīrakampanādīsu. Sesaṃ uttānameva. Samuṭṭhānādīni tatiyasadisānevāti. Sattamaṃ. {1210} Aṭṭhamādīsu tīsu sikkhamānāya sāmaṇeriyā gihiniyāti idameva nānākaraṇaṃ. Sesaṃ sattame vuttasadisamevāti. Dasamaṃ. {1214} Ekādasame. Bhikkhussa puratoti abhimukhamevāti attho. Idaṃ pana upacāraṃ sandhāya kathitanti veditabbaṃ. Sesaṃ uttānameva. Kaṭhinasamuṭṭhānaṃ kāyavācato kāyavācācittato ca samuṭṭhāti kiriyākiriyaṃ nosaññāvimokkhaṃ acittakaṃ paṇṇattivajjaṃ kāyakammaṃ vacīkammaṃ ticittaṃ tivedananti. Ekādasamaṃ. {1219-1223} Dvādasame. Anokāsakatanti asukasmiṃ nāma ṭhāne pucchāmīti evaṃ akataokāsaṃ. Tenevāha anokāsakatanti anāpucchāti. Anuddissāti asukasmiṃ nāma ṭhāne pucchāmīti evaṃ aniyametvā kevalaṃ pucchitabbaṃ atthi pucchāmi ayyāti evaṃ vatvā. Sesaṃ uttānameva. Padasodhammasamuṭṭhānaṃ vācato vācācittato ca samuṭṭhāti kiriyākiriyaṃ nosaññāvimokkhaṃ acittakaṃ paṇṇattivajjaṃ vacīkammaṃ ticittaṃ tivedananti. Dvādasamaṃ.The Pali Atthakatha in Roman Character Volume 2 Page 566. http://84000.org/tipitaka/read/attha_page.php?book=2&page=566&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11909&pagebreak=1 http://84000.org/tipitaka/atthapali/rm_line.php?B=2&A=11909&pagebreak=1#p566
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]