บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 562.
Sokavasa nama paresam dukkham uppadetiti. Athava gharam viya gharasamika ayampi purisasamagamam alabhamana sokam avisati iti yam avisati svassa avaso hotiti sokavasa. Tenaha sokam avisatiti. Ajanantiti idisa ayanti ajanamana. Sesam uttanameva. Tisamutthanam kiriya sannavimokkham sacittakam pannattivajjam kayakammam vacikammam ticittam tivedananti. Navamam. {1164} Dasame. Anapucchati anapucchitva. Bhikkhunihi dvikkhattum apucchitabbam pabbajjakale ca upasampadakale ca. Bhikkhunam pana sakim apucchitepi vattati. {1165} Ajanantiti matadinam atthibhavam ajananti. Sesam uttanameva. Apubbasamutthanasisam catussamutthanam vacato kayavacato vacacittato kayavacacittato ca samutthati. Katham. Abbhanakammadisu kenacideva karaniyena khandasimayam nisinna pakkosatha sikkhamanam idheva nam upasampadessamati upasampadeti evam vacato ca samutthati. Upassayato patthaya upasampadessamiti vatva khandasimam gacchantiya kayavacato ca samutthati. Dvasupi thanesu pannattibhavam janitvava vitikkamam karontiya vacacittato kayavacacittato ca samutthati. Ananujanapetva upasampadanato kiriyakiriyam nosannavimokkham acittakam pannattivajjam kayakammam vacikammam ticittam tivedananti. Dasamam.The Pali Atthakatha in Roman Character Volume 2 Page 562. http://84000.org/tipitaka/read/attha_page.php?book=2&page=562&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11825&modeTY=2&pagebreak=1 http://84000.org/tipitaka/atthapali/rm_line.php?B=2&A=11825&modeTY=2&pagebreak=1#p562
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]