อรรถกถาเล่มที่ ๒ หน้าที่ ๕๖๒.

โสกวสา นาม ปเรสํ ทุกฺขํ อุปฺปาเทตีติ ฯ อถวา ฆรํ วิย ฆรสามิกา อยํปิ ปุริสสมาคมํ อลภมานา โสกํ อาวิสติ อิติ ยํ อาวิสติ สฺวาสฺสา อาวาโส โหตีติ โสกาวาสา ฯ เตนาห โสกํ อาวิสตีติ ฯ อชานนฺตีติ อีทิสา อยนฺติ อชานมานา ฯ เสสํ อุตฺตานเมว ฯ ติสมุฏฺานํ กิริยา สญฺาวิโมกฺขํ สจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ นวมํ ฯ {๑๑๖๔} ทสเม ฯ อนาปุจฺฉาติ อนาปุจฺฉิตฺวา ฯ ภิกฺขุนีหิ ทฺวิกฺขตฺตุํ อาปุจฺฉิตพฺพํ ปพฺพชฺชกาเล จ อุปสมฺปทกาเล จ ฯ ภิกฺขูนํ ปน สกึ อาปุจฺฉิเตปิ วฏฺฏติ ฯ {๑๑๖๕} อชานนฺตีติ มาตาทีนํ อตฺถิภาวํ อชานนฺตี ฯ เสสํ อุตฺตานเมว ฯ อปุพฺพสมุฏฺานสีสํ จตุสฺสมุฏฺานํ วาจโต กายวาจโต วาจาจิตฺตโต กายวาจาจิตฺตโต จ สมุฏฺาติ ฯ กถํ ฯ อพฺภานกมฺมาทีสุ เกนจิเทว กรณีเยน ขณฺฑสีมายํ นิสินฺนา ปกฺโกสถ สิกฺขมานํ อิเธว นํ อุปสมฺปาเทสฺสามาติ อุปสมฺปาเทติ เอวํ วาจโต จ สมุฏฺาติ ฯ อุปสฺสยโต ปฏฺาย อุปสมฺปาเทสฺสามีติ วตฺวา ขณฺฑสีมํ คจฺฉนฺติยา กายวาจโต จ สมุฏฺาติ ฯ ทฺวสุปิ าเนสุ ปณฺณตฺติภาวํ ชานิตฺวาว วีติกฺกมํ กโรนฺติยา วาจาจิตฺตโต กายวาจาจิตฺตโต จ สมุฏฺาติ ฯ อนนุชานาเปตฺวา อุปสมฺปาทนโต กิริยากิริยํ โนสญฺาวิโมกฺขํ อจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ ทสมํ ฯ

เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๖๒. http://84000.org/tipitaka/read/attha_page.php?book=2&page=562&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=11825&pagebreak=1 http://84000.org/tipitaka/atthapali/th_line.php?B=2&A=11825&pagebreak=1#p562