บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 553.
{999} Chatthe sabbam naggavagge agarikasikkhapade vuttanayeneva veditabbam. Ayam pana viseso. Tam chassamutthanam idam sahatthati vuttatta elakalomasamutthanam kiriya nosannavimokkham acittakam pannattivajjam kayakammam ticittam tivedananti. Chattham. {1007} Sattame. Punapariyayeti punavare. Apadasuti mahaggham civaram sarirato mocetva supatisamitam cora haranti evarupasu apadasu anissajjitva nivasentiya anapatti. Sesam uttanamevati. Kathinasamutthanam kayavacato kayavacacittato ca samutthati kiriyakiriyam nosannavimokkham acittakam pannattivajjam kayakammam vacikammam ticittam tivedananti. Sattamam. {1008} Atthame. Anissajjitvati rakkhanatthaya adatva imam jaggeyyasiti evam anapucchitvati attho. {1012} Pariyesitva na labhatiti patijaggikam na labhati. Gilanayati vacibhedam katum asamatthaya. Apadasuti ratthe bhijjante avase chaddetva gacchanti evarupasu apadasu anapatti. Sesam uttanameva. Samutthanadini anantarasikkhapadasadisanevati. Atthamam. {1015-1016} Navame. Bahirakam anatthasamhitanti hatthiassarathadhanutharu- sippaathabbanakhilanavasikaranasosapanamantagadappayogadibhedam parupaghatakaram.The Pali Atthakatha in Roman Character Volume 2 Page 553. http://84000.org/tipitaka/read/attha_page.php?book=2&page=553&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11638&modeTY=2&pagebreak=1 http://84000.org/tipitaka/atthapali/rm_line.php?B=2&A=11638&modeTY=2&pagebreak=1#p553
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]