romanATTHA book 2 Page 547.

Nama ye naccanti. Langhika nama ye vamsavarattadisu langhanakammam karonti. Sokajjhayika nama mayakara. Kumbhathunika nama ghatakena kilanaka. Bibbisamkavadakatipi vadanti. Deti apatti pacittiyassati ettha civaragananaya apattiyo veditabba. Sesam uttanameva. Chassamutthanam kiriya nosannavimokkham acittakam pannattivajjam kayakammam vacikammam ticittam tivedananti. Atthamam. {921-924} Navame. Dubbalacivarapaccasayati dubbalaya civarapaccasaya. Anisamsanti kincapi na mayam ayye sakkomati vadanti idani tesam kappaso agamissati saddho pasanno puriso agamissati addha dassatiti evam anisamsam dassetva nivarentiya anapatti. Sesam uttanameva. Tisamutthanam kiriya sannavimokkham sacittakam lokavajjam kayakammam vacikammam akusalacittam tivedananti. Navamam. {927} Dasame. Kathinuddharam na dassantiti ettha kidiso kathinuddharo databbo kidiso na databbo. Yassa attharamulako mahanisamso ubbharamulako appo evarupo na databbo. Yassa pana attharamulako appanisamso ubbharamulako maha evarupo databbo. Samanisamsopi saddhaparipalanattham databbova. {931} Anisamsanti bhikkhunisangho jinnacivaro kathinanisamsamulako mahalabhoti evarupam anisamsam dassetva patibahantiya anapatti. Sesam

The Pali Atthakatha in Roman Character Volume 2 Page 547. http://84000.org/tipitaka/read/attha_page.php?book=2&page=547&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11511&modeTY=2&pagebreak=1 http://84000.org/tipitaka/atthapali/rm_line.php?B=2&A=11511&modeTY=2&pagebreak=1#p547