romanATTHA book 2 Page 542.

{850-853} Catutthe. Nikkaṇṇikanti ^1- kaṇṇamūlaṃ vuccati. Kaṇṇamūle jappeyyāti vuttaṃ hoti. Sati karaṇīyeti salākabhattādīnaṃ āharaṇatthāya vihāre vā dunnikkhittapaṭisāmanatthāya. Sesaṃ uttānameva. Samuṭṭhānādi purimasadisamevāti. Catutthasikkhāpadaṃ. {854} Pañcame. Gharaṃ sodhentāti tesaṃ kira etadahosi theriyā koci kāyikavācasiko vītikkamo na dissati gharaṃpi tāva sodhemāti tato gharaṃ sodhentā naṃ addasaṃsu. {856} Anovassikaṃ atikkamantiyāti paṭhamapādaṃ atikkāmentiyā dukkaṭaṃ dutiyaṃ atikkāmentiyā pācittiyaṃ. Upacārātikkamepi eseva nayo. {858} Gilānāyāti tādisena gelaññena āpucchituṃ na sakkoti. Āpadāsūti ghare aggi vā uṭṭhito hoti corā vā evarūpe upaddave anāpucchā pakkamati anāpatti. Sesamettha uttānameva. Kaṭhinasamuṭṭhānaṃ kāyavācato kāyavācācittato ca samuṭṭhāti kiriyākiriyaṃ nosaññāvimokkhaṃ acittakaṃ paṇṇattivajjaṃ kāyakammaṃ vacīkammaṃ ticittaṃ tivedananti. Pañcamasikkhāpadaṃ. {860} Chaṭṭhe. Abhinisīdeyyāti nisīdeyya. Nisīditvā gacchantiyā ekā āpatti. Anisīditvā nipajjitvā gacchantiyā ekā. Nisīditvā nipajjantiyā dve. {863} Dhuvapaññatteti bhikkhunīnaṃ atthāya niccappaññatte. @Footnote: ^1. kaṇṇena savanaṃ kaṇṇikaṃ. nikkhantaṃ kaṇṇikaṃ etasmāti nikkaṇṇikaṃ. kintaṃ. @jappanaṃ. jappeyyāti pade kiriyāvisesanametanti amhākaṃ mati.

The Pali Atthakatha in Roman Character Volume 2 Page 542. http://84000.org/tipitaka/read/attha_page.php?book=2&page=542&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11407&pagebreak=1 http://84000.org/tipitaka/atthapali/rm_line.php?B=2&A=11407&pagebreak=1#p542