บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 539.
Apatti. Patekkam chaddentiya vatthugananaya apattiyo. Anattiyampi eseva nayo. Dantakatthachaddanepi bhikkhuniya pacittiyameva. Bhikkhussa sabbattha dukkatam. Sesam uttanameva. Chassamutthanam kiriyakiriyam nosannavimokkham acittakam pannattivajjam kayakammam vacikammam ticittam tivedananti. Atthamasikkhapadam. {830-832} Navame. Yam manussanam upabhogaparibhogam ropitanti khettam va hotu nalikeradiaramo va yatthakatthaci ropitaharitatthane etani vatthuni chaddentiya purimanayeneva apattibhedo veditabbo. Khette va arame va nisiditva bhunjamana ucchuadini khadati gacchamana ucchitthodakacalakadini haritatthane chaddeti antamaso udakam pivitva matthakacchinnanalikerampi chaddeti pacittiyameva. Bhikkhuno dukkatam. Kasitatthane pana nikkhittabije yava ankuram na utthahati tava sabbesam dukkatam. Anikkhittabijesu khettakonadisu va asanjataropitesu khettamariyadadisu va chaddetum vattati. Manussanam kacavarachaddanatthanepi vattati. Chadditakkhetteti manussesu sassam uddharitva gatesu chadditakkhettam nama hoti tattheva vattati. Yattha pana layitam pubbannadi puna utthahissatiti rakkhanti tattha yathavatthukameva. Sesam uttanameva. Chassamutthanam kiriyakiriyam .pe. Tivedananti. Navamasikkhapadam.The Pali Atthakatha in Roman Character Volume 2 Page 539. http://84000.org/tipitaka/read/attha_page.php?book=2&page=539&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11343&modeTY=2&pagebreak=1 http://84000.org/tipitaka/atthapali/rm_line.php?B=2&A=11343&modeTY=2&pagebreak=1#p539
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]