บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 538.
Dukkaṭanti. Taṃ pubbāparaviruddhaṃ hoti. Na hi bhajjanādīnaṃ karaṇe vā kārāpane vā viseso atthi. Mahāaṭṭhakathāyaṃ pana aññāya viññattaṃ bhuñjantiyā dukkaṭanti avisesena vuttaṃ. {823} Ābādhapaccayāti sedakammādīnaṃ atthāya dhaññaviññattiyā anāpatti. Aviññattiyā labbhamānaṃ pana navakammatthāya sampaṭicchituṃ vaṭṭatīti mahāpaccariyaṃ vuttaṃ. Aparaṇṇaṃ viññāpetīti ṭhapetvā satta dhaññāni muggamāsādiṃ vā alābukumbhaṇḍādiṃ vā aññaṃ vā yaṅkiñci ñātakapavāritaṭṭhāne viññāpentiyā anāpatti. Āmakadhaññaṃ pana ñātakapavāritaṭṭhānepi na vaṭṭati. Sesaṃ uttānameva. Catussamuṭṭhānaṃ kāyato vācato kāyacittato kāyavācācittato ca samuṭṭhāti kiriyā nosaññāvimokkhaṃ acittakaṃ paṇṇattivajjaṃ kāyakammaṃ vacīkammaṃ ticittaṃ tivedananti. Sattamasikkhāpadaṃ. {824} Aṭṭhame. Nibbiṭṭho rājabhaṭo rañño bhati keṇī etenāti nibbiṭṭharājabhaṭo 1-. Ekaṃ ṭhānantaraṃ keṇiyā gahetvā tato laddhaudayoti attho. Taṃyeva bhaṭapathaṃ yācissāmīti rañño keṇiṃ datvā puna taṃyeva ṭhānantaraṃ yācissāmīti cintento. Paribhāsīti tā bhikkhuniyo māsu puna evaṃ karitthāti santajjesi. {826} Sayaṃ chaḍḍetīti cattāripi vatthūni ekappayogena chaḍḍentiyā ekāva @Footnote: 1. nibbiṭṭho raññā nīhaṭo rājabhaṭo nibbiṭṭharājabhaṭo. tenāha taññeva bhaṭapathaṃ @yācissāmīti ādinti amhākaṃ mati.The Pali Atthakatha in Roman Character Volume 2 Page 538. http://84000.org/tipitaka/read/attha_page.php?book=2&page=538&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11322&pagebreak=1 http://84000.org/tipitaka/atthapali/rm_line.php?B=2&A=11322&pagebreak=1#p538
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]