บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 528.
Uddiṭṭhā kho ayyāyo sattarasa saṅghādisesāti ettha channaṃ paṭhamāpattikānaṃ anantarā sañcarittaṃ dve duṭṭhadosāti imāni tīṇi sikkhāpadāni mahāvibhaṅgato pakkhipitvā nava paṭhamāpattikā catunnaṃ yāvatatiyakānaṃ anantarā mahāvibhaṅgatopi cattāro yāvatatiyake pakkhipitvā aṭṭha yāvatatiyakā veditabbā. Evaṃ sabbepi pāṭimokkhuddesamattena uddiṭṭhā kho ayyāyo sattarasa saṅghādisesā dhammāti evamettha attho daṭṭhabbo. Sesaṃ uttānameva aññatra pakkhamānattā. Taṃ pana khandhake vitthārena vaṇṇayissāmāti. Samantapāsādikāya vinayasaṃvaṇṇanāya bhikkhunīvibhaṅge sattarasakaṇḍavaṇṇanā niṭṭhitā. ------------- Tiṃsakakaṇḍavaṇṇanā tiṃsa nissaggiyā dhammā bhikkhunīnaṃ pakāsitā ye tesaṃ dāni bhavati ayaṃ saṃvaṇṇanākkamoti. {733} Āmattikāpaṇanti āmattā vuccanti bhājanāni. Tāni ye vikkiṃṇanti te vuccanti āmattikā. Tesaṃ āpaṇo āmattikāpaṇo. Taṃ vā pasāressantīti attho. {734} Pattasannicayaṃ kareyyāti pattasannidhiṃ kareyya. Ekāhaṃ anadhiṭṭhitvā avikappetvā vā pattaṃ ṭhapeyyāti attho. Sesaṃ mahāvibhaṅge vuttanayeneva veditabbaṃ. Ayameva hi viseso. Tattha dasāhaṃ parihāroThe Pali Atthakatha in Roman Character Volume 2 Page 528. http://84000.org/tipitaka/read/attha_page.php?book=2&page=528&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11114&pagebreak=1 http://84000.org/tipitaka/atthapali/rm_line.php?B=2&A=11114&pagebreak=1#p528
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]