บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 499.
{606} Sakkaccanti etthāpi asakkaccaṃ paṭiggahaṇeyeva āpatti. Paṭiggahitaṃ pana paṭiggahitameva. Sakkaccanti ca pattasaññīti ca ubhayaṃ vuttanayameva. {608} Sapadānanti tattha tattha odhiṃ akatvā anupaṭipāṭiyā. Samasūpake vattabbaṃ vuttanayameva. {610} Thūpatoti matthakato vemajjhatoti attho. {611} Paṭicchādetvā dentīti māghātasamayādīsu paṭicchannaṃ byañjanaṃ katvā denti. Viññattiyaṃ vattabbaṃ natthi. {614} Ujjhānasaññisikkhāpadepi gilāno na muccati. {615} Nātimahanto kavaḷoti mayuraṇḍaṃ atimahantaṃ kukkuṭaṇḍaṃ atikhuddakaṃ tesaṃ vemajjhappamāṇo. Khajjaketi ettha mūlakhādanīyādi sabbaṃ gahetabbaṃ. Catuttho vaggo. {617} Anāhaṭeti anāharite mukhadvāraṃ asampāpiteti attho. {618} Sabbaṃ hatthanti sakalaṃ hatthaṃ. {619} Sakavaḷenāti ettha dhammaṃ kathento harītakaṃ vā laṭṭhimadhukaṃ vā mukhe pakkhipitvā katheti yattakena vacanaṃ aparipuṇṇaṃ na hoti tattake mukhamhi sante kathetuṃ vaṭṭati. {620} Piṇḍkkhepakanti piṇḍaṃ ukkhipitvā ukkhipitvā. {621} Kavaḷāvacchedakanti kavaḷaṃ avacchinditvā avacchinditvā. {622} Avagaṇḍakārakanti makkaṭo viya gaṇḍe katvā katvā. {623} Hatthaniddhūnakanti hatthaṃ niddhūnitvā niddhūnitvā. {624} Sitthāvakārakanti sitthāni avakīritvā avakīritvā. {625} Jivhānicchārakanti jivhaṃ nicchāretvā nicchāretvā. {626} Capucapukārakanti capucapūti evaṃ saddaṃ katvā katvā. Pañcamavaggo 1-. @Footnote: 1. pañcamo vaggoti yujjati.The Pali Atthakatha in Roman Character Volume 2 Page 499. http://84000.org/tipitaka/read/attha_page.php?book=2&page=499&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=10504&pagebreak=1 http://84000.org/tipitaka/atthapali/rm_line.php?B=2&A=10504&pagebreak=1#p499
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]