บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๒ ภาษาบาลี อักษรไทย วินย.อ. (สมนฺต.๒) หน้าที่ ๔๙๘.
เกน ปริจฺฉินฺโนติ เตสญฺจ เถรานํ วาทํ อาโรเจสุํ ฯ เถโร สุตฺวา อาห อโห จูฬนาโค สาสนโต ภฏฺโ อโห เตน พหูนํ ทฺวารํ ทินฺนํ อหํ เอตสฺส สตฺตกฺขตฺตุํ วินยํ วาเจนฺโต น กทาจิ เอวํ อวจํ อยํ กุโต ลภิตฺวา เอวํ วทตีติ ฯ ภิกฺขู เถรํ ยาจึสุ กเถถ ทานิ ภนฺเต เกน ปริจฺฉินฺโนติ ฯ ยาวกาลิเกน อาวุโสติ เถโร อาห ฯ ตสฺมา ยงฺกิญฺจิ ยาคุ วา ภตฺตํ วา ผลาผลํ วา อามิสชาติกํ สมติตฺติกเมว คเหตพฺพํ ฯ ตญฺจ โข อธิฏฺานูปเคน ปตฺเตน อิตเรน ปน ถูปีกตมฺปิ วฏฺฏติ ฯ ยามกาลิกสตฺตาหกาลิกยาวชีวิกานิ ปน อธิฏฺานูปคปตฺเตนปิ ถูปีกตานิ วฏฺฏนฺติ ฯ ทฺวีสุ ปตฺเตสุ ภตฺตํ คเหตฺวา เอกสฺมึ ปูเรตฺวา วิหารํ เปเสตุํ วฏฺฏติ ฯ มหาปจฺจริยํ ปน วุตฺตํ ยํ ปตฺเต ปกฺขปิยมานํ ปูวอุจฺฉุขณฺฑผลาผลาทิ เหฏฺา โอโรหติ ตํ ถูปีกตํ นาม น โหติ ฯ ปูววฏํสกํ เปตฺวา ปิณฺฑปาตํ เทนฺติ ถูปีกตเมว โหติ ฯ ปุปฺผวฏํสกตกฺโกลกกฏุกผลาทิวฏํสกํ ปน เปตฺวา ทินฺนํ ถูปีกตํ น โหติ ฯ ภตฺตสฺส อุปริ ถาลกํ วา ปณฺณํ วา เปตฺวา ปูเรตฺวา คณฺหาติ ถูปีกตํ นาม น โหติ ๑- ฯ กุรุนฺทิยํปิ วุตฺตํ ถาลเก วา ปณฺเณ วา ปกฺขิปิตฺวา ตํ ปตฺตมตฺถเก เปตฺวา เทนฺติ ปาเฏกฺกภาชนํ วฏฺฏตีติ ฯ อิธ อนาปตฺติยํ คิลาโน นาคโต ฯ ตสฺมา คิลานสฺสาปิ ถูปีกตํ น วฏฺฏติ ฯ สพฺพตฺถ ปฏิคฺคเหตุเมว น วฏฺฏติ ฯ ปฏิคฺคหิตํ ปน สุปฏิคฺคหิตเมว ปริภุญฺชิตุํ วฏฺฏตีติ ฯ ตติโย วคฺโค ฯ @เชิงอรรถ: ๑. อิโต ปรํ อิติสทฺโท อิจฺฉิตพฺโพ.เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๔๙๘. http://84000.org/tipitaka/read/attha_page.php?book=2&page=498&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=10482&pagebreak=1 http://84000.org/tipitaka/atthapali/th_line.php?B=2&A=10482&pagebreak=1#p498
จบการแสดงผล หน้าที่ ๔๙๘.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]