อรรถกถาเล่มที่ ๒ หน้าที่ ๔๗๖.

{๔๔๙} จตุตฺถสิกฺขาปเท ฯ ปหารํ เทนฺตีติ อาวุโส ปีกํ ปญฺาเปถ ปาทโธวนํ อาหรถาติอาทีนิ วตฺวา ตถา อกโรนฺตานํ ปหารํ เทนฺติ ฯ {๔๕๑} ปหารํ เทติ อาปตฺติ ปาจิตฺติยสฺสาติ เอตฺถ ปหริตุกามตาย ปหาเร ทินฺเน สเจปิ มรติ ปาจิตฺติยเมว ฯ ปหาเรน หตฺโถ วา ปาโท วา ภิชฺชติ สีสํ วา ภินฺนํ โหติ ปาจิตฺติยเมว ฯ ยถายํ สงฺฆมชฺเฌ น วิโรจติ ตถา นํ กโรมีติ เอวํ วิรูปกรณาธิปฺปาเยน กณฺณํ วา นาสํ วา ฉินฺทติ ทุกฺกฏํ ฯ {๔๕๒} อนุปสมฺปนฺนสฺสาติ คหฏฺสฺส วา ปพฺพชิตสฺส วา อิตฺถิยา วา ปุริสสฺส วา อนฺตมโส ติรจฺฉานคตสฺสาปิ ปหารํ เทติ ทุกฺกฏํ ฯ สเจ ปน รตฺตจิตฺโต ^๑- อิตฺถิยา ปหรติ สงฺฆาทิเสโส ฯ {๔๕๓} เกนจิ วิเหิยมาโนติ มนุสฺเสน วา ติรจฺฉานคเตน วา วิเหิยมาโน ฯ โมกฺขาธิปฺปาโยติ ตโต อตฺตโน โมกฺขํ ปฏฺยมาโน ฯ ปหารํ เทตีติ กายกายปฏิพทฺธนิสฺสคฺคิยานํ อญฺตเรน ปหารํ เทติ อนาปตฺติ ฯ สเจปิ อนฺตรามคฺเค โจรํ วา ปจฺจตฺถิกํ วา วิเหเตุกามํ ทิสฺวา อุปาสก เอตฺเถว ติฏฺ มา อาคมีติ วตฺวา วจนํ อนาทิยิตฺวา อาคจฺฉนฺตํ คจฺฉ เรติ มุคฺคเรน วา สตฺถเกน วา ปหริตฺวา ยาติ ฯ โส เจ เตน ปหาเรน มรติ อนาปตฺติเยว ฯ พาฬมิเคสุปิ เอเสว นโย ฯ เสสเมตฺถ อุตฺตานเมว ฯ สมุฏฺานาทีนิ ปนสฺส ปมปาราชิกสทิสานิ ฯ อิทํ ปน ทุกฺขเวทนนฺติ ฯ ปหารสิกฺขาปทํ จตุตฺถํ ฯ {๔๕๔} ปญฺจมสิกฺขาปเท ฯ ตลสตฺติกํ อุคฺคิรนฺตีติ ปหารทานาการํ @เชิงอรรถ: ^๑. อิมสฺมึ สิกฺขาปเท ทุฏฺจิตฺโตติ นิยโม กโต ฯ ตโต อญฺถา น วณฺเณตพฺพํ.

เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๔๗๖. http://84000.org/tipitaka/read/attha_page.php?book=2&page=476&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=10039&pagebreak=1 http://84000.org/tipitaka/atthapali/th_line.php?B=2&A=10039&pagebreak=1#p476