บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 463.
Supasampanno. Sopi ca yava na janati tavassa neva saggantarayo na mokkhantarayo. Natva pana puna upasampajjitabbam. Sesam uttanamevati. Tisamutthanam kiriya sannavimokkham sacittakam pannattivajjam kayakammam vacikammam ticittam tivedananti. Unavisativassasikkhapadam pancamam. {407} Chatthasikkhapade. Patiyalokanti suriyalokassa patimukham pacchimadisanti attho. Kammikati sunkatthane kammika. {409} Rajanam va theyyam gacchantiti rajanam va thenetva vancetva ranno santakam kinci gahetva idani na tassa dassamati gacchanti. {411} Visanketenati kalavisanketena divasavisanketena ca gacchato anapatti. Maggavisanketena pana atavivisanketena va apattiyeva. Sesamettha bhikkhunivagge vuttanayatta uttanameva. Theyyasatthasamutthanam kayacittato kayavacacittato ca samutthati kiriya sannavimokkham sacittakam pannattivajjam kayakammam vacikammam ticittam tivedananti. Theyyasatthasikkhapadam chattham. {412} Sattamasikkhapade. Padhupento nisiditi pajjhayanto attanamyeva paribhasanto nisidati. Nayyo so bhikkhu mam nippadesiti ayyo ayam bhikkhu mam na nikkhamesi na mam gahetva agamasiti attho. Sesamettha bhikkhuniya saddhim samvidhanasikkhapade vuttanayeneva veditabbam saddhim samutthanadihi. Samvidhanasikkhapadam sattamam.The Pali Atthakatha in Roman Character Volume 2 Page 463. http://84000.org/tipitaka/read/attha_page.php?book=2&page=463&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=9763&modeTY=2&pagebreak=1 http://84000.org/tipitaka/atthapali/rm_line.php?B=2&A=9763&modeTY=2&pagebreak=1#p463
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]