romanATTHA book 2 Page 458.

Panoti veditabbo. Tam khuddakampi mahantampi marentassa apatti. Nanakaranam natthi. Mahante pana upakkamamahantatta akusalamahattam hoti. Pane panasanniti antamaso mancapitham sodhento mankunabijakepi panakasanni nikkarunikataya tam bhindanto apaneti pacittiyam. Tasma evarupesu thanesu karunnam upatthapetva appamattena vattam katabbam. Sesam manussaviggahe vuttanayeneva veditabbam saddhim samutthanadihi. Sanciccapanasikkhapadam pathamam. {387} Dutiyasikkhapade. Sappanakanti ye panaka paribhogena maranti tehi panakehi sappanakam. Tadisam hi janam paribhunjato payoge payoge pacittiyam. Pattapurampi avicchinditva ekappayogena pivato eka apatti. Tadisena udakena samisam pattam avijjhitva dhovatopi tadise udake unhayagupattam nibbapayatopi tam udakam hatthena va ulunkena va gahetva nahayatopi payoge payoge pacittiyam. Udakasondim va pokkharanim va pavisitva bahi nikkhamanatthaya vicim utthapayatopi. Sondim va pokkharanim va sodhentehi tato gahitaudakam udakeyeva asincitabbam. Samipamhi udake asati kappiyaudakassa attha va dasa va ghate udakasanthanakappadese asincitva tattha asincitabbam. Pavattitva udake patissatiti unhapasane udakam nasincitabbam. Kappiyaudakena pana pasanam nibbapetva asincitum vattati.

The Pali Atthakatha in Roman Character Volume 2 Page 458. http://84000.org/tipitaka/read/attha_page.php?book=2&page=458&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=9657&modeTY=2&pagebreak=1 http://84000.org/tipitaka/atthapali/rm_line.php?B=2&A=9657&modeTY=2&pagebreak=1#p458