อรรถกถาเล่มที่ ๒ หน้าที่ ๔๒๓.

สปฺปิอาทิ ปญฺจวิธํ เภสชฺชํ สตฺตาหํ นิเธตพฺพโต สตฺตาหํ กาโล อสฺสาติ สตฺตาหกาลิกํ เปตฺวา อุทกํ อวเสสํ สพฺพํปิ ยาวชีวํ ปริหริตฺวา สติ ปจฺจเย ปริภุญฺชิตพฺพโต ยาวชีวิกนฺติ วุจฺจติ ฯ ตตฺถ อรุโณทเย ปฏิคฺคหิตํ ยาวกาลิกํ สตกฺขตฺตุมฺปิ นิทหิตฺวา ยาว กาโล นาติกฺกมติ ตาว ยามกาลิกํ เอกํ อโหรตฺตํ สตฺตาหกาลิกํ สตฺตรตฺตํ อิตรํ สติ ปจฺจเย ยาวชีวํปิ ภุญฺชนฺตสฺส อนาปตฺติ ฯ เสสเมตฺถ อุตฺตานเมว ฯ อฏฺกถาสุ ปน อิมสฺมึ าเน ปานกถา กปฺปิยานุโลมกถา กปฺปติ นุ โข ยาวกาลิเกน ยามกาลิกนฺติ อาทิกถา จ กปฺปิยภูมิกถา จ วิตฺถาริตา ฯ ตํ มยํ อาคตฏฺาเนเยว กถยิสฺสาม ฯ เอฬกโลมสมุฏฺานํ กายโต จ กายจิตฺตโต จ สมุฏฺาติ กิริยา โนสญฺาวิโมกฺขํ อจิตฺตกํ ปณฺณตฺติวชฺชํ กายกมฺมํ ติจิตฺตํ ติเวทนนฺติ ฯ สนฺนิธิการกสิกฺขาปทํ อฏฺมํ ฯ {๒๕๗} นวมสิกฺขาปเท ฯ ปณีตโภชนานีติ อุตฺตมโภชนานิ ฯ กสฺส สมฺปนฺนํ น มนาปนฺติ สมฺปตฺติยุตฺตํ กสฺส น ปิยํ ฯ สาทูติ สุรสํ ฯ {๒๕๙} โย ปน ภิกฺขุ เอวรูปานิ ปณีตโภชนานิ อคิลาโน อตฺตโน อตฺถาย วิญฺาเปตฺวา ภุญฺเชยฺยาติ เอตฺถ สุทฺธานิ สปฺปิอาทีนิ วิญฺาเปตฺวา ภุญฺชนฺโต ปาจิตฺติยํ นาปชฺชติ ฯ เสขิเยสุ สูโปทนวิญฺตฺติทุกฺกฏํ อาปชฺชติ ฯ โอทนสํสฏฺานิ ปน วิญฺาเปตฺวา ภุญฺชนฺโต ปาจิตฺติยํ อาปชฺชตีติ เวทิตพฺโพ ฯ อยํ กิเรตฺถ อธิปฺปาโย ฯ เตเนว จ ปณีตานีติ อวตฺวา ปณีตโภชนานีติ

เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๔๒๓. http://84000.org/tipitaka/read/attha_page.php?book=2&page=423&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=8921&pagebreak=1 http://84000.org/tipitaka/atthapali/th_line.php?B=2&A=8921&pagebreak=1#p423