บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 148.
Patinissaggaya samanubhasanakammam katabbanti evamattho datthabbo. Sesam sabbattha uttanatthameva. Samutthanadinipi pathamasanghabhedasadisanevati. Kuladusakasikkhapadavannana nitthita. {442} Uddittha kho .pe. Evametam dharayamiti ettha pathamam apatti etesanti pathamapattika. Pathamam vitikkamakkhaneyeva apajjitabbati attho. Itare pana yatha tatiye catutthe ca divase hoti jaro tatiyako catutthakoti pavuccati evam yavatatiye samanubhasanakamme hontiti yavatatiyakati veditabba. Yavatiham janam paticchadetiti yattakani ahani jananto paticchadeti aham itthannamam apattim apannoti sabrahmacarinam naroceti. Tavatihanti tattakani ahani. Akama parivatthabbanti na kamena na vasena athakho akamena avasena parivasam samadaya vatthabbam. Uttarim charattanti parivasato uttarim cha rattiyo. Bhikkhumanattayati 1- bhikkhunam mananabhavaya aradhanatthayati vuttam hoti. Visatisankho gano assati visatigano. Tatthati yattha sabbantimena paricchedena visatigano bhikkhusangho atthi. Abbhetabboti abhietabbo sampaticchitabbo. Abbhanakammavasena osaretabboti vuttam hoti. Avhatabboti va attho. Anabbhitoti na abbhito @Footnote: 1. ettha bhikkhuno manattam bhikkhuna va caritabbam manattam bhikkhumanattam. @bhikkhunipakkhe pakkhamanattassa bhavato tatha vuttanti amhakam mati.The Pali Atthakatha in Roman Character Volume 2 Page 148. http://84000.org/tipitaka/read/attha_page.php?book=2&page=148&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=3110&modeTY=2&pagebreak=1 http://84000.org/tipitaka/atthapali/rm_line.php?B=2&A=3110&modeTY=2&pagebreak=1#p148
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]