บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๙ ภาษาบาลี อักษรไทย ธ.อ.๒ อปฺปมาท-จิตฺตวคฺค หน้าที่ ๙๐.
อมตมหานิพฺพานสมฺปตฺตึ ปาปุณนฺตีติ วตฺวา อิมา คาถา อภาสิ "ปมาทมนุยุญฺชนฺติ พาลา ทุมฺเมธิโน ชนา, อปฺปมาทญฺจ เมธาวี ธนํ เสฏฺว รกฺขติ. มา ปมาทมนุยุญฺเชถ, มา กามรติสนฺถวํ; อปฺปมตฺโต หิ ฌายนฺโต ปปฺโปติ วิปุลํ สุขนฺติ. ตตฺถ พาลาติ: พาเลฺยน สมนฺนาคตา อิธโลกปรโลกตฺถํ อชานนฺตา. ทุมฺเมธิโนติ: นิปฺปญฺา. เต ปมาเท อาทีนวํ อปสฺสนฺตา ปมาทํ อนุยุญฺชนฺติ [๑]- ปมาเทน กาลํ วีตินาเมนฺติ. เมธาวีติ: ธมฺโมชปญฺาย สมนฺนาคโต ปน ปณฺฑิโต กุลวํสานุคตํ เสฏฺ อุตฺตมํ สตฺตรตนธนํ วิย อปฺปมาทํ รกฺขติ: ยถา หิ "อุตฺตมํ ธนํ นิสฺสาย กามคุณสมฺปตฺตึ ปาปุณิสฺสาม [๒]- ปรโลกคมนมคฺคํ โสเธสฺสามาติ ธเน อานิสํสํ ปสฺสนฺตา ตํ รกฺขนฺติ; เอวํ ปณฺฑิโตปิ "อปฺปมตฺโต ปมชฺฌานาทีนิ ปฏิลภติ มคฺคผลาทีนิ ปาปุณาติ ติสฺโส วิชฺชา ฉ อภิญฺา สมฺปาเทตีติ อปฺปมาเท อานิสํสํ ปสฺสนฺโต ธนํ เสฏฺ วิย อปฺปมาทํ รกฺขตีติ อตฺโถ. มา ปมาทนฺติ: ตสฺมา ตุมฺเห มา ปมาทมนุยุญฺเชถ มา ปมาเทน กาลํ วีตินามยิตฺถ. มา กามรติสนฺถวนฺติ: วตฺถุกามกิเลสกาเมสุ รติสงฺขาตํ ตณฺหาสนฺถวํปิ มา อนุยุญฺเชถ มา จินฺตยิตฺถ มา ปฏิลภิตฺถ. อปฺปมตฺโต หีติ: อุปฏฺิตสติตาย หิ อปฺปมตฺโต ฌายนฺโต ปุคฺคโล วิปุลํ โอฬารํ นิพฺพานสุขํ ปาปุณาตีติ. @เชิงอรรถ: ๑. สี. ม. ยุ. ปวตฺเตนฺติ. ๒. สี. ม. ยุ. ปุตฺตทารํ โปสิสฺสาม.เนื้อความอรรถกถาฉบับภาษาบาลี อักษรไทย เล่มที่ ๑๙ หน้าที่ ๙๐. http://84000.org/tipitaka/read/attha_page.php?book=19&page=90&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=19&A=1866&pagebreak=1 http://84000.org/tipitaka/atthapali/th_line.php?B=19&A=1866&pagebreak=1#p90
จบการแสดงผล หน้าที่ ๙๐.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]