บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN An.A. (manoratha.3) Page 9.
Upadharitam. Suppatividdham pannayati pannaya sutthu paccakkham katam. Tasmim dhammeti tasmim kammatthanapalidhamme. Iti imasmim sutte pancapi vimuttayatanani arahattam papetva kathitaniti. 7. Samadhisuttavannana [27] Sattame appamananti pamanakaradhammarahitam lokuttaram. Nipaka patissatati nepakkena ca satiya ca samannagata hutva. Panca nananiti panca paccavekkhanananani. Paccattanneva uppajjantiti attaniyeva uppajjanti. Ayam samadhi paccuppannasukho cevatiadisu arahattaphalasamadhi adhippeto. Maggasamadhitipi vadantiyeva. So hi appitappitakkhane sukhatta paccuppannasukho, purimo purimo pacchimassa pacchimassa samadhisukhassa paccayatta ayatim sukhavipako, kilesehi arakatta ariyo, kamamisavattamisalokamisanam abhava niramiso. Buddhadihi mahapurisehi sevitatta akapurisasevito. Angasantataya arammanasantataya sabbakilesadaratha- santataya ca santo, atappaniyatthena panito, kilesapatippassaddhiya laddhatta kilesapatippassaddhibhavam va laddhatta patippassaddhaladdho. Patippassaddham patippassaddhiti hi idam atthato ekam. patippassaddhakilesena va arahata laddhattapi patippassaddhaladdho, ekodibhavena adhigatatta ekodibhavameva va adhigatatta ekodibhavadhigato. 1- Appagunasasavasamadhi viya sasankharena sappayogena cittena paccanikadhamme niggayha kilese varetva anadhigatatta na sasankharaniggayha- varippatto. Tam samadhim samapajjanto tato ca vutthahanto sativepullappattatta satova samapajjati, satova vutthahati. Yathaparicchinnakalavasena va sato samapajjati, sato vutthahati. Tasma yadettha "ayam samadhi paccuppannasukho ceva ayatinca sukhavipako"ti 2- evam paccavekkhamanassa paccattamyeva idam paccayapaccavekkhanananam 3- uppajjati, tam ekam nanam. Eseva nayo sesesu. Evam imani panca nanani paccattamyeva uppajjantiti. @Footnote: 1 cha.Ma....varitagato 2 cha.Ma. sukhavipako cati 3 cha.Ma. aparappaccayananamThe Pali Atthakatha in Roman Character Volume 16 Page 9. http://84000.org/tipitaka/read/attha_page.php?book=16&page=9&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=181&modeTY=2&pagebreak=1 http://84000.org/tipitaka/atthapali/rm_line.php?B=16&A=181&modeTY=2&pagebreak=1#p9
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]