อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๖๗.

อิทํ ภวานํ อคฺคนฺติ อยํ ปจฺฉิโม อตฺตภาโว ภวานํ อคฺคํ นาม. อถวา
ยถาภูตสฺสาติ เยหิ ขนฺเธหิ มคฺคกฺขเณ ภูตสฺส วิชฺชมานสฺส. อนนฺตรา อาสวานํ
ขโย โหตีติ มคฺคานนฺตรเมว ผลํ อุปฺปชฺชติ. อิทํ ภวานํ อคฺคนฺติ อิทํ มคฺคกฺขเณ
ขนฺธปญฺจกํ ภวานํ อคฺคํ นามาติ.
                         อาฆาตวคฺโค ทุติโย.
                       -------------------
                         ๑๘. ๓. อุปาสกวคฺค
                      ๑-๓. สารชฺชสุตฺตาทิวณฺณนา
     [๑๗๑-๑๗๓] ตติยสฺส ปฐมทุติยตติเยสุ อคาริยปฺปฏิปตฺติ กถิตา. โสตาปนฺน-
สกทาคามิโนปิ โหนฺตุ, วฏฺฏนฺติเยว.
                         ๔. เวรสุตฺตวณฺณนา
     [๑๗๔] จตุตฺเถ ภยานีติ จิตฺตุตฺราสภยานิ. เวรานีติ อกุสลเวรานิปิ
ปุคฺคลเวรานิปิ. เจตสิกนฺติ จิตฺตนิสฺสิตํ. ทุกฺขนฺติ กายปฺปสาทวตฺถุกํ ทุกฺขํ.
โทมนสฺสนฺติ โทมนสฺสเวทนํ. อิมสฺมึ สุตฺเต วิรติปฺปหานํ กถิตํ.
                        ๕. จณฺฑาลสุตฺตวณฺณนา
     [๑๗๕] ปญฺจเม อุปาสกปฏิกิฏฺโฐติ ๑- อุปาสกปจฺฉิมโก. โกตุหลมงฺคลิโกติ
"อิมินา อิทํ ภวิสฺสตี"ติ เอวํ ปวตฺตตฺตา โกตุหลสงฺขาเตน  ทิฏฺฐสุตมุตมงฺคเลน
สมนฺนาคโต. มงฺคลํ ปจฺเจติ โน กมฺมนฺติ มงฺคลํ โอโลเกติ, กมฺมํ น โอโลเกติ.
อิโต จ พหิทฺธาติ อิมมฺหา สาสนา พหิทฺธา. ปุพฺพการํ กโรตีติ ทานาทิกํ
กุสลกิจฺจํ ปฐมตรํ กโรติ.
@เชิงอรรถ: ๑ ฉ.ม. อุปาสกปติกุฏฺโฐติ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๖๗.
http://84000.org/tipitaka/read/attha_page.php?book=16&page=67&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=1493&modeTY=2&pagebreak=1
http://84000.org/tipitaka/atthapali/th_line.php?B=16&A=1493&modeTY=2&pagebreak=1#p67