Vuttepi "upari attho atthi"ti janati. Ubhato thapetva majjhe atthe vutte
"ubhato attho atthi"ti janati. Majjhe attham thapetva ubhatobhagesu atthesu
vuttesu 1- "majjhe attho atthi"ti janati. Dhammapubbaparadisupi eseva nayo.
Anusandhipubbapare pana silam adim katva araddhe suttante matthake chasu
abhinnasu agatasu "yathanusandhim yathanupadacchedam 2- suttanto gato"ti janati.
Ditthivasena araddhe upari saccesu agatesupi "yathanusandhina gato"ti janati.
Kalahabhandanavasena araddhe upari saraniyadhammesu agatesupi, dvattimsatiracchanakatha-
vasena araddhe upari dasakathavatthusu 3- agatesupi "yathanusandhina gato"ti janatiti.
10. Bhaddajisuttavannana
[170] Dasame abhibhuti abhibhavitva thito jetthako. Anabhibhutoti annehi
anabhibhuto. Annadatthuti ekamsavacane nipato. Dassanavasena daso, sabbam passatiti
adhippayo. Vasavattiti sabbam janam vase vatteti. Yatha passatoti ittharammanam
va hotu anittharammanam va, yenakarena tam passantassa. Anantara asavanam
khayo hotiti anantarayeva arahattam uppajjati. Yatha sunatoti etthapi eseva
nayo. Athava yam cakkhuna rupam disva nirantarameva vipassanam patthapetva arahattam
papunati, tam tassa arahattam cakkhuvinnananantaram nama hoti. Tam sandhaya
vuttam idam dassananam agganti. Dutiyepi 4- eseva nayo.
Yatha sukhitassati yena maggasukhena sukhitassa. Anantara asavanam khayo
hotiti samanantarameva arahattam uppajjati. Idam sukhanam agganti idam maggasukham
sukhanam uttamam. Yathasannissati idhapi maggasanna adhippeta. Yathabhutassati
yasmim bhave yasmim attabhave thitassa. Anantarati anantarayena arahattam uppannam. 5-
@Footnote: 1 cha.Ma. atthe vutte 2 Si. yathanuparicchedam, cha.Ma. yathaparicchedam
@3 an.dasaka. 24/69/102 pathamakathavatthusutta, khu.u. 25/31/139 meghiyasutta
@4 cha.Ma. dutiyapadepi 5 cha.Ma. uppajjati
The Pali Atthakatha in Roman Character Volume 16 Page 66.
http://84000.org/tipitaka/read/attha_page.php?book=16&page=66&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=16&A=1469&modeTY=2&pagebreak=1
http://84000.org/tipitaka/atthapali/rm_line.php?B=16&A=1469&modeTY=2&pagebreak=1#p66
