ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๖๕.

                        ๗. โจทนาสุตฺตวณฺณนา
     [๑๖๗] สตฺตเม โจทเกนาติ วตฺถุสนฺทสฺสนา อาปตฺติสนฺทสฺสนา สํวาสปฺปฏิกฺเขโป
สามีจิปฏิกฺเขโปติ จตูหิ โจทนาวตฺถูหิ โจทยมาเนน. กาเลน วกฺขามิ โน
อกาเลนาติ เอตฺถ จุทิตกสฺส กาโล กถิโต, น โจทกสฺส. ปรํ โจเทนฺเตน
หิ ปริสมชฺเฌ วา อุโปสถปวารณคฺเค วา อาสนสาลาโภชนสาลาทีสุ วา น
โจเทตพฺพํ, ๑- ทิวาฏฺฐาเน นิสินฺนกาเล "กโรตายสฺมา โอกาสํ, อหํ อายสฺมนฺตํ
วตฺตุกาโม"ติ เอวํ โอกาสํ กาเรตฺวา โจเทตพฺพํ. ปุคฺคเลปิ ชเน อุปปริกฺขิตฺวา ๒-
โย โลลปุคฺคโล อภูตํ วตฺวา ภิกฺขูนํ อยสํ อาโรเปติ, โส โอกาสกมฺมํ วินาปิ
โจเทตพฺโพ. ภูเตนาติ ตจฺเฉน สภาเวน. สเณฺหนาติ มฏฺเฐน มุทุเกน.
อตฺถสญฺหิเตนาติ อตฺถกามตาย หิตกามตาย อุเปเตน. อวิปฺปฏิสาโร อุปทหิตพฺโพติ ๓-
อมงฺกุภาโว อุปฺปาเทตพฺโพ. ๔- อลนฺเต อวิปฺปฏิสารายาติ ยุตฺตนฺเต อมงฺกุภาวาย.
เสสเมตฺถ อุตฺตานตฺถเมวาติ. อฏฺฐมํ เหฏฺฐา วุตฺตนยตฺตา ปากฏเมว.
                       ๙. ขิปฺปนิสนฺติสุตฺตวณฺณนา
     [๑๖๙] นวเม ขิปฺปํ นิสามยติ อุปธารยตีติ ขิปฺปนิสนฺติ. ๕- สุคฺคหิตํ กตฺวา
คณฺหาตีติ สุคฺคหิตคฺคาหี. อตฺถกุสโลติ อฏฺฐกถาย เฉโก. ธมฺมกุสโลติ ปาลิยํ
เฉโก. นิรุตฺติกุสโลติ นิรุตฺติวจเนสุ เฉโก. พฺยญฺชนกุสโลติ อกฺขรปฺปเภเท
เฉโก. ปุพฺพาปรกุสโลติ อตฺถปุพฺพาปรํ ธมฺมปุพฺพาปรํ ปทปุพฺพาปรํ ๖-
อกฺขรปุพฺพาปรํ ๗- อนุสนฺธิปุพฺพาปรนฺติ อิมสฺมึ ปญฺจวิเธ ปุพฺพาปเร เฉโก. ตตฺถ
อตฺถปุพฺพาปรกุสโลติ เหฏฺฐา อตฺเถน อุปริ อตฺถํ ชานาติ, อุปริ อตฺเถน
เหฏฺฐา อตฺถํ ชานาติ. กถํ? โส หิ เหฏฺฐา อตฺถํ ฐเปตฺวา อุปริ อตฺเถ
วุตฺเต "เหฏฺฐา อตฺโถ อตฺถี"ติ ชานาติ. อุปริ อตฺถํ ฐเปตฺวา เหฏฺฐา อตฺเถ
@เชิงอรรถ:  ฉ. โจเทตพฺโพ. เอวมุปริปิ   ฉ.ม. ปุคฺคลํ ปน อุปปริกฺขิตฺวา
@ ฉ.ม. อุปทหาตพฺโพติ   ฉ.ม. อุปเนตพฺโพ   สี.,ม. ขิปฺปนิสนฺตี
@  ฉ.ม. อยํ ปาโฐ น ทิสฺสติ   ฉ.ม. พฺยญฺชนปุพฺพาปรํ



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๖๕. http://84000.org/tipitaka/read/attha_page.php?book=16&page=65&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=1445&modeTY=2&pagebreak=1 http://84000.org/tipitaka/atthapali/th_line.php?B=16&A=1445&modeTY=2&pagebreak=1#p65


จบการแสดงผล หน้าที่ ๖๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]