ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๕๗.

ปเทเส. กิญฺจินาติ ๑- โกจิ อปฺปมตฺตโกปิ. อิติ อิมสฺมึ     สุตฺเต ปญฺจสุ ฐาเนสุ
วิปสฺสนาว กถิตา. ตํ อารทฺธวิปสฺสโก เอโก ๒- ภิกฺขุ กาตุํ สกฺโกติ, ญาณวา
ปญฺญุตฺตโร พหุสฺสุตสมโณปิ กาตุํ สกฺโกติ. โสตาปนฺนสกทาคามิอนาคามิโน
กาตุํ สกฺโกนฺติเยว, ขีณาสเว วตฺตพฺพเมว นตฺถีติ. ปญฺจมํ อุตฺตานตฺถเมว.
                         ๖. มิตฺตสุตฺตวณฺณนา
     [๑๔๖] ฉฏฺเฐ กมฺมนฺตํ กาเรตีติ เขตฺตาทิกมฺมนฺตํ กาเรติ. อธิกรณํ
อาทิยตีติ จตฺตาริ อธิกรณานิ อาทิยติ. ปาโมกฺเขสุ ภิกฺขูสูติ ทิสาปาโมกฺเขสุ
ภิกฺขูสุ. ปฏิวิรุทฺโธ โหตีติ ปจฺจนีกคฺคาหิตาย วิรุทฺโธ โหติ. อวฏฺฐานจาริกนฺติ
อววฏฺฐาเน จาริกํ. ๓-
                      ๗. อสปฺปุริสทานสุตฺตวณฺณนา
     [๑๔๗] สตฺตเม อสกฺกจฺจํ ทานํ ๔- เทตีติ น สกฺกริตฺวา สุจึ กตฺวา
เทติ. อจิตฺตีกตฺวา เทตีติ อจิตฺตีกาเรน อคารววเสน เทติ. อปวิฏฺฐํ ๕- เทตีติ
น นิรนฺตรํ เทติ, อถวา ฉฑฺเฑตุกาโม วิย เทติ. อนาคมนทิฏฺฐิโก เทตีติ
กตสฺส ๖- นาม ผลํ อาคมิสฺสตีติ เอวํ อาคมนทิฏฺฐึ น อุปฺปาเทตฺวา เทติ.
     สุกฺกปกฺเข จิตฺตีกตฺวา เทตีติ เทยฺยธมฺเม จ ทกฺขิเณยฺเยสุ จ จิตฺตีการํ
อุปฏฺฐเปตฺวา เทติ. ตตฺถ เทยฺยธมฺมํ ปณีตํ โอชวนฺตํ กตฺวา เทนฺโต เทยฺยธมฺเม
จิตฺตีการํ อุปฏฺฐเปติ นาม. ปุคฺคลํ วิจินิตฺวา เทนฺโต ทกฺขิเณยฺเยสุ จิตฺตีการํ
อุปฏฺฐเปติ นาม. สหตฺถา เทตีติ อาณตฺติยา ปรหตฺเถน อทตฺวา "อนมตคฺเค
สํสาเร วิจรนฺเตน เม หตฺถปาทานํ อลทฺธกาลสฺส ปมาณํ นาม นตฺถิ, วฏฺฏโมกฺขํ
ภวนิสฺสรณํ กริสฺสามี"ติ สหตฺเถเนว เทติ. อาคมนทิฏฺฐิโกติ "อนาคตภาวสฺส
ปจฺจโย ภวิสฺสตี"ติ กมฺมญฺจ วิปากญฺจ สทฺทหิตฺวา เทตีติ.
@เชิงอรรถ:  สี. กิญฺจนาติ, ฉ.ม. กิญฺจนนฺติ   ฉ.ม. อยํ ปาโฐ น ทิสฺสติ
@ สี. อนวตฺถจาริกนฺติ อววตฺถานจาริกํ, ฉ.ม. อนวตฺถจาริกนฺติ อนวตฺถานจาริกํ
@ ฉ.ม. อยํ ปาโฐ น ทิสฺสติ   ฉ.ม. อปวิทฺธํ   สี. กุทาสฺสุ



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๕๗. http://84000.org/tipitaka/read/attha_page.php?book=16&page=57&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=1272&modeTY=2&pagebreak=1 http://84000.org/tipitaka/atthapali/th_line.php?B=16&A=1272&modeTY=2&pagebreak=1#p57


จบการแสดงผล หน้าที่ ๕๗.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]