บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN An.A. (manoratha.3) Page 5.
5. Datthabbasuttavannana [15] Pancame avisayasmimyeva lokiyalokuttaradhamme kathetum kattha ca bhikkhave saddhabalam datthabbantiadimaha. Yatha hi cattaro setthiputta, rajati raja- pancamesu sahayesu "nakkhattam kilissama"ti vithim otinnesu ekassa setthiputtassa geham gatakale itare cattaro tunhi nisidanti, gehasamikova "imesam khadaniyam bhojaniyam detha, gandhamalalankaradini detha"ti gehe vicareti. Dutiyassa tatiyassa catutthassa geham gatakale itare cattaro tunhi nisidanti, gehasamikova "imesam khadaniyam bhojaniyam detha, gandhamalalankaradini detha"ti gehe vicareti. Atha sabbapaccha ranno geham gatakale kincapi raja sabbattha issaro, imasmim pana kale attano geheyeva "imesam khadaniyam bhojaniyam detha, gandhamalalankaradini detha"ti vicareti, evameva saddhapancamesu balesu tesu sahayesu ekato vithim otarantesu viya ekarammane uppajjamanesupi yatha pathamassa gehe itare cattaro tunhi nisidanti, gehasamikova vicareti, evam sotapattiyangani patva adhimokkha- lakkhanam saddhabalameva jetthakam hoti pubbangamam, sesani tadanvayani honti. Yatha dutiyassa gehe itare cattaro tunhi nisidanti, gehasamikova vicareti. Evam sammappadhanani patva paggahalakkhanam viriyabalameva jetthakam hoti pubbangamam. Sesani tadanvayani honti. Yatha tatiyassa gehe itare cattaro tunhi nisidanti, gehasamikova vicareti, evam satipatthanani patva upatthanalakkhanam satibalameva jetthakam hoti pubbangamam, sesani tadanvayani honti. Yatha catutthassa gehe itare cattaro tunhi nisidanti, gehasamikova vicareti, evam jhanavimokkhe patva avikkhepalakkhanam samadhibalameva jetthakam hoti pubbangamam, sesani tadanvayani honti. Sabbapaccha ranno geham gatakale pana yatha itare cattaro tunhi nisidanti, rajava gehe vicareti, evameva ariyasaccani patva pajananalakkhanam pannabalameva jetthakam hoti pubbangamam, sesani tadanvayani hontiti evamidha panca balani missakani kathitani.The Pali Atthakatha in Roman Character Volume 16 Page 5. http://84000.org/tipitaka/read/attha_page.php?book=16&page=5&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=89&modeTY=2&pagebreak=1 http://84000.org/tipitaka/atthapali/rm_line.php?B=16&A=89&modeTY=2&pagebreak=1#p5
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]