ATTHAKATHA Book 16 : PALI ROMAN
An.A. (manoratha.3)
Page 47.

Yani tani silanitiadi catuparisuddhisilavasena vuttam. Samadhisamvattanikaniti
maggasamadhiphalasamadhinibbattakani. Silasamannagatoti samanasilatam gato, ekasadisasilo
hutvati attho. Takkarassati yo nam karoti, tassa. Iti imasmim sutte silam
samannakam 1- kathitam, ditthi vipassanasammaditthiti.
                        6. Anandasuttavannana
     [106] Chatthe no ca param adhisile sampavatta hotiti param silabhavena
na garahati na upavadati. Attanupekkhiti attanova katakatam jananavasena attanam
anupekkhita. No paranupekkhiti parassa katakatesu abyavato. Appannatoti
apakato appapunno. Appannatakenati appannatabhavena apakatataya mandapunnataya.
No paritassatitiparitasam napajjati. Iti imina suttena 2- khinasavova kathitoti.
                        7-8. Silasuttadivannana
     [107-108] Sattame silasamadhipanna missika kathita, vimutti arahattaphalam,
vimuttinanadassanam paccavekkhanananam lokiyameva. Atthamepi eseva nayo. Paccavekkhanananam
panettha asekhassa pavattatta asekhanti vuttam.
                     9-10. Catuddisasuttadivannana
     [109-110] Navame catuddisoti catusu disasu appatihatacaro. Imasmim
suttepi khinasavova kathito. Dasame alanti yutto. Idhapi khinasavova kathito.
                        Phasuviharavaggo pathamo.
                        ----------------
@Footnote: 1 cha.Ma. silam missakam  2 cha.Ma. imasmim sutte


The Pali Atthakatha in Roman Character Volume 16 Page 47.
http://84000.org/tipitaka/read/attha_page.php?book=16&page=47&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=1051&modeTY=2&pagebreak=1
http://84000.org/tipitaka/atthapali/rm_line.php?B=16&A=1051&modeTY=2&pagebreak=1#p47