Avirajjhitvava deti, no avannaya virajjhitva. Ma me yoggapatho nassati maya
katayoggapatho mayham ma nassatu, "eko siho utthaya bilaram paharanto virajjhitva
pahari"ti evam vattaro ma hontuti attho. Annabharanesadananti ettha
annam vuccati yavabhattam, 1- tam bharo etesanti annabhaRa. Yacakanam 2- etam
namam. Nesadati 3- vuccanti sakunika. Iti sabbapacchimaya kotiya etesam
yacakanesadanampi sakkaccameva deseti.
10. Kakudhatherasuttavannana
[100] Dasame attabhavapatilabhoti sarirapatilabho. Dve va tini va
magadhakani gamakkhettaniti ettha magadhikam gamakkhettam gavutam 4- atthi khuddakam,
atthi majjhimam, atthi mahantam, khuddakam gamakkhettam ito cattalisam usabhani, 5-
ito cattalisanti gavutam hoti, majjhimam ito gavutam, ito gavutanti addhayojanam
hoti, mahantam ito diyaddhagavutam, ito diyaddhagavutanti tigavutam hoti. Tesu
khuddakena gamakkhettena tini, khuddakena ca majjhimena ca dve gamakkhettani tassa
attabhavo. Tigavutam hissa sariram. Pariharissamiti patijaggissami gopayissami.
Rakkhassetanti rakkhassu etam. Moghapurisoti tucchapuriso. Nassassati na etassa
bhaveyya. Samudacareyyamati katheyyama. Sammannatiti sammanam karoti. Yam tumo
karissati tumova tena pannayissatiti yam esa karissati, esova tena kammena
pakato bhavissati. Sesam sabbattha uttanamevati.
Kakudhavaggo pancamo.
Dutiyapannasako nitthito.
-----------
@Footnote: 1 Si. yavasam 2 Si. yavasikanam 3 cha.Ma. nesada 4 cha.Ma. ayam patho na dissati
@5 Si.,ka. usabha
The Pali Atthakatha in Roman Character Volume 16 Page 45.
http://84000.org/tipitaka/read/attha_page.php?book=16&page=45&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=16&A=1007&modeTY=2&pagebreak=1
http://84000.org/tipitaka/atthapali/rm_line.php?B=16&A=1007&modeTY=2&pagebreak=1#p45
