ATTHAKATHA Book 16 : PALI ROMAN
An.A. (manoratha.3)
Page 42.

                         5. Akkhamasuttavannana
     [85] Pancame akkhamo hoti rupananti ruparammananam anadhivasako
hoti, tadarammanehi ragadihi abhibhuyyati. Eseva nayo sabbattha.
                     6. Patisambhidappattasuttavannana
     [86] Chatthe atthapatisambhidappattoti pancasu atthesu pabhedagatam nanam
patto. Dhammapatisambhidappattoti catubbidhe dhamme pabhedagatam nanam patto.
Niruttipatisambhidappattoti dhammaniruttisu pabhedagatam nanam patto. Patibhana-
patisambhidappattoti tesu tisu nanesu pabhedagatam nanam patto. So pana tani
tini nananeva janati, na tesam kiccam karoti. Uccavacaniti mahantakhuddakani.
Kimkaraniyaniti iti katabbani.
                        7. Silavantasuttavannana
     [87] Sattamam uttanameva. Silam panettha khinasavasilameva, bahusaccampi
khinasavabahusaccameva, vacapi khinasavassa kalyanavacava, jhananipi kiriyajjhananeva
kathitaniti veditabbani.
                         8. Therasuttavannana
     [88] Atthame theroti thirabhavappatto. Rattannuti pabbajitadivasato patthaya
atikkantanam bahunnam rattinam nata. Natoti pannato pakato. Yasassiti yasanissito.
Micchaditthikoti ayathavaditthiko. Saddhamma vutthapetvati dasakusalakammapatha-
dhammato vutthapetva. Asaddhamme patitthapetiti dasaakusalakammapathesu patitthapeti.


The Pali Atthakatha in Roman Character Volume 16 Page 42.
http://84000.org/tipitaka/read/attha_page.php?book=16&page=42&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=944&modeTY=2&pagebreak=1
http://84000.org/tipitaka/atthapali/rm_line.php?B=16&A=944&modeTY=2&pagebreak=1#p42