บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 41.
Chindantopi chindāti āṇāpentopi haritagge oḷārikaṃ nimittaṃ karoti nāma. Ājīvatthāya paṇṇanivāpaādīni gāhāpente 1- phalāni ocinante vā ocināpente vā 2- vattabbameva natthi. Imesu catūsu suttesu satthārā sāsane vuḍḍhiparihāni kathitā. Yodhājīvavaggo tatiyo. -------------------- 9. 4. Theravagga 1. Rajanīyasuttavaṇṇanā [81] Catutthassa paṭhame rajanīyesūti 3- rāgassa paccayesu ārammaṇesu. Sesesupi eseva nayo. 2. Vītarāgasuttavaṇṇanā [82] Dutiye makkhīti guṇamakkhako. Paḷāsīti yugaggāhalakkhaṇena paḷāsena samannāgato. 3. Kuhakasuttavaṇṇanā [83] Tatiye kuhakoti tīhi kuhanavatthūhi samannāgato. Lapakoti lābhasannissitāya lapanāya samannāgato. Nemittikoti nimittakiriyakārako. Nippesikoti nippesanakatāya 4- samannāgato. Lābhena ca lābhaṃ nijigiṃsitāti lābhena lābhagavesako. Sukkapakkho vuttavipallāsavasena veditabbo. Catutthaṃ uttānameva. @Footnote: 1 Sī. pana vāsiādīni gāhāpento, Ma. pana vāsiādīhi gāhāpento @2 Sī.,Ma. ocinanto vā ocināpento vā 3 pāli. rajanīye 4 ka. nippesanakathāyaThe Pali Atthakatha in Roman Character Volume 16 Page 41. http://84000.org/tipitaka/read/attha_page.php?book=16&page=41&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=924&pagebreak=1 http://84000.org/tipitaka/atthapali/rm_line.php?B=16&A=924&pagebreak=1#p41
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]