romanATTHA book 16 Page 40.

9. Tatiyaanāgatabhayasuttavaṇṇanā [79] Navame dhammasandosā vinayasandosoti dhammasandosena vinayasandoso hoti. Kathaṃ pana dhammasmiṃ dussante vinayo dussati nāma? samathavipassanādhammesu gabbhaṃ aggaṇhantesu pañcavidho vinayo na hoti, evaṃ dhamme dussante vinayo dussati. Dussīlassa pana saṃvaravinayo nāma na hoti, tasmiṃ asati samathavipassanā gabbhaṃ na gaṇhāti. Evaṃ vinayasandosenapi dhammasandoso veditabbo. Abhidhammakathanti sīlādiuttamadhammakathaṃ. ^1- Vedallakathanti vedapaṭisaṃyuttaṃ ñāṇamissakakathaṃ. Kaṇhaṃ dhammaṃ okkamamānāti randhagavesitāya upārambhapariyesanavasena kāḷakaṃ kammaṃ okkamamānā. Apica duṭṭhacittena puggalaṃ ghaṭentāpi taṃ kaṇhaṃ dhammaṃ attano dahantāpi lābha- sakkāratthaṃ kathentāpi kaṇhaṃ dhammaṃ okkamantiyeva. Gambhīrāti pāligambhīRā. Gambhīratthāti atthagambhīRā. Lokuttarāti lokuttara- dhammadīpakā. Suññatāpaṭisaṃyuttāti khandhadhātuāyatanapaccayākārapaṭisaṃyuttā. Na aññā cittaṃ upaṭṭhapessantīti jānanatthāya cittaṃ na ṭhapessanti. Uggahetabbaṃ pariyāpuṇitabbanti uggahetabbe ca vaḷañjetabbe ca. Kavikatāti ^2- silokādibandhanavasena kavīhi katā. Kāveyyāti tasseva vevacanaṃ. Bāhirakāti sāsanato bahiddhā ṭhitā. Sāvakabhāsitāti bāhirasāvakehi bhāsitā. Sesamettha heṭṭhā vuttanayattā ca suviññeyyattā ca uttānatthameva. 10. Catutthaanāgatabhayasuttavaṇṇanā [80] Dasame kalyāṇakāmāti sundarakāmā. Rasaggānīti uttamarasāni. Saṃsaṭṭhā viharissantīti pañcavidhena saṃsaggena saṃsaṭṭhā viharissanti sannidhikāraparibhoganti sannidhikatassa paribhogaṃ. Oḷārikaṃpi nimittanti ettha paṭhaviṃ khaṇantopi khaṇāhīti āṇāpentopi paṭhaviyaṃ oḷārikaṃ nimittaṃ karoti nāma. Tiṇakaṭṭhasākhāpalāsaṃ @Footnote: ¹ Sī. ttamadhammakathaṃ ² cha.Ma. kavitāti

The Pali Atthakatha in Roman Character Volume 16 Page 40. http://84000.org/tipitaka/read/attha_page.php?book=16&page=40&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=901&pagebreak=1 http://84000.org/tipitaka/atthapali/rm_line.php?B=16&A=901&pagebreak=1#p40